Быыбар: Барыта 5332 хандьыдаат регистрацияланна
Издательский дом Редакция Подписка
Погода в Якутске: . -2 oC

Балаҕан ыйын 11 күнүгэр ыытыллар муниципальнай быыбарга хандьыдааттары туруоруу атырдьах ыйын 10 күнүгэр түмүктэммитэ.

Балаҕан ыйын 11 күнүгэр ыытыллар муниципальнай быыбарга хандьыдааттары туруоруу атырдьах ыйын 10 күнүгэр түмүктэммитэ.

Быыбар хамыыһыйаларын чахчыларынан, барыта 5435 хандьыдаат туруоруллубутуттан, 5332 хандьыдаат регистрацияламмыт, ол иһигэр тоҕус баартыйа (ЕР, СРЗП, КПРФ, ЛДПР, Биэнсийэлээхтэр баартыйалара, ГП, Родина, Социальнай көмүскэл баартыйата, Дьыала баартыйата) туруорбут 3298 хандьыдаата итиэннэ бэйэтэ туруоруммут 2034 хандьыдаат. 103 хандьыдаат докумуона ситэтэ суох буолан, регистрацияламматах.

Тоҕус муниципальнай тэриллии (улуус) дьаһалтатын баһылыгын быыбарыгар 45 хандьыдаат туруоруллубутуттан, 39 киһи регистрацияламмыт. Кинилэртэн 22 хандьытаат баартыйалартан туруоруллубут, 17 хандьыдаат бэйэтэ туруоруммут.

190 поселения (нэһилиэк) дьаһалтатын баһылыгын быыбарыгар 560 хандьыдаат туруоруллубутуттан, 523 киһи регистрацияламмыт: 213 хандьытаат баартыйалартан туруоруллубут , 310 хандьыдаат бэйэтэ туруоруммут.

Улуус таһымнаах бэрэстэбиитэллээх уорган быыбарыгар (110 мандаат) 300 хандьыдаат туруоруллубутуттан 297 хандьыдаат регистрацияламмыт: 218 хандьытаат баартыйалартан туруоруллубут, 79 хандьыдаат бэйэтэ туруоруммут.

Нэһилиэк таһымнаах бэрэстэбиитэллээх уорган быыбарыгар (2771 мандаат) 4530 хандьыдаат туруоруллубутуттан 4473 хандьыдаат регистрацияламмыт: 2575 хандьытаат баартыйалартан туруоруллубут , 1898 хандьыдаат бэйэтэ туруоруммут.

Иһитиннэрэр-биллэрэр ситимнэринэн быыбар иннинээҕи аҕытаассыйаны ыытыы атырдьах ыйын 13 күнүттэн саҕаланна итиэннэ быыбар буолуо биир күн иннинэ, ол эбэтэр балаҕан ыйын 10 күнүгэр түмүктэниэҕэ.

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости