Тутар этэрээттэргэ ХИФУ устудьуоннара, «Биир ньыгыл Арассыыйа» баартыйа эдэр гвардиятын уонна «РСО» Саха сиринээҕи салаатын актыбыыстара бааллар. Кинилэр олохтоох дьаһалта сайаапкатынан, ыалларга дьиэни-уоту өрөмүөннээһиҥҥэ, чөлүгэр түһэриигэ көмөлөһөллөр, уу ылбыт дьиэлэрин муостатын көтүрэн, инчэҕэй кунуһу хостоон уларыталлар, сорох ыалларга оттук маһы бэлэмнииллэр о.д.а. Ити курдук сүүстэн тахса ыалга көмөлөстүлэр.
Бастакы этэрээт Суордаахха, иккис этэрээт Дуулаҕалаахха бааллар. Дьааҥы куоратыгар тиийбит тутар этэрээт «Тымныы полюһа» кэпэрэтиипкэ сыһыарылынна: үс устудьуон сайылыкка, уон устудьуон окко үлэлии сылдьаллар.
Дьааҥы олохтоохторо тутар этэрээт байыастарыгар махтаналлар. «Якутоптторг» аахсыйалаах уопсастыба уонна «Анаабыр алмаастара» хампаанньа байыастары сухуой бойуоктарынан хааччыйда, оттон олохтоохтор үлэһит ыччаттарга итии аһылыгы бэлэмнииллэр.
Ил Дархан уонна Бырабыыталыстыба пресс-сулууспатын матырыйаалынан.
-
1
-
0
-
0
-
0
-
0
-
0
