Екатерина Портнягина: «Оҕолорбутугар махтанабыт!»
Издательский дом Редакция Подписка
Погода в Якутске: . -40 oC

Халаантан эмсэҕэлээбит Дьааҥы улууһугар устудьуоннар үс тутар этэрээттэрэ тиийэн, олохтоохторго көмөлөһө сылдьар.

Халаантан эмсэҕэлээбит Дьааҥы улууһугар устудьуоннар үс тутар этэрээттэрэ тиийэн, олохтоохторго көмөлөһө сылдьар.

Кинилэртэн биир этэрээт окко үлэлээбитин туһунан, «Тымныы Полюһа» кэпэрэтиип салайааччыта Екатерина Алексеевна Портнягина махтанан, маннык кэпсиир:

Портнягина_ЕА.jpg

– Ходуһаларбытын уу ылан, оттооһуҥҥа дьэ быйыл хайа да дьыллааҕар улахан ыарахаттары көрүстүбүт. «Тымныы полюһа» кэпэрэтиип иһинэн тэриллибит «Алгыс» кэпэрэтиип сүөһүлэрин кыстатарга 400 туонна от наада буолар. Ону хааччыйар туһугар, Киэҥ Сыһыыга ходуһа түүлэһэн, күүспүт кыайарынан үлэлии сатыыбыт да, ардах батыһа сылдьан түһэн оппутун кыайан куурдубат. Ходуһабыт барыта ууга сытар буолан, ууну кэһэ сылдьан, охсо-охсо, кытыыга таһаара сатаан биир эрэй.

От_Портнягина-_1.jpg

Дьэ маннык кэмҥэ устудьуоннар тутар этэрээттэрин байыастара, 10 эдэркээн уол кэлэн, икки нэдиэлэ устата көмөлөстүлэр. Барыта 15 туонна оту охсон, ууттан таһааран, куурдан, пресстээн биэрдилэр.

Кинилэр: Арсен Кладкин, Айсен Кладкин (юридическай колледж устудьуоннара), Аян Варламов, Мичил Уваровскай, Степан Соловьев, Симон Соловьев (төрдүөн автодорожнай факультет устудьуоннара), Денис Никифоров, Даниил Гоголев (физико-техническэй институт устудьуоннара), Владислав Алексеев (инфраструктурнай технология коллеһын устудьуона), Вячеслав Стручков (хайа институтун устудьуона) Горнай, Бүлүү, Өлөөн, Дьааҥы уонна Уус Алдан улуустарыттан сылдьаллар.

От_Портнягина_-_4.jpg

Атырдьах ыйын 12-13 күннэригэр тэрийбит «Күүлэй-2022» күрэхтэһиибитигэр биэс уол хамаанданан кыттан, уопуттаах, улахан дьону кытары эрбии тииһин курдук эриһэн үлэлээбиттэрэ. Икки күн устатыгар 3,86 гектар сир отун охсон, харбаан, үһүс миэстэни ылан, 30 000 солкуобай харчынан бириэмийэлэммиттэрэ.

Яна_студент.jpg

Ыарахантан толлон турбакка, үөрэ-көтө үлэлээбит оҕолорбутугар улахан махталбытын биллэрэбит. Истиҥ махтал тылларын аныыбыт кинилэр төрөппүттэригэр – маннык үтүө санаалаах, эйэҕэс-сайаҕас майгылаах, үлэһит ыччаттары иитэн таһаарбыттарын иһин.

От_Портнягина_2.jpg

Оҕолорбут барахсаттар бары үөрэхтэрин этэҥҥэ бүтэрэн, идэлэрин баһылаабыт үчүгэй исписэлиис буолан, олохторугар элбэҕи ситиһэллэригэр, чэгиэн-чэбдик сылдьалларыгар баҕарабыт. Эһиил эмиэ кэлэн, оттоһоллоругар ыҥырабыт.

  • 10
  • 0
  • 0
  • 0
  • 1
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости