Өрөспүүбүлүкэ үрдүнэн 1236 иитэр-үөрэтэр тэрилтэ баарыттан 1225 тэрилтэ, ол иһигэр 619 оскуолаттан 611 оскуола, 478 оҕо саадыттан 474 оҕо саада итиэннэ 97 эбии үөрэхтээһин киинэ саҥа үөрэх дьылын көрсө бэлэмнэр.
Күн бүгүн аҕыс оскуолаҕа хапыталынай өрөмүөн үлэтэ бүтэриллэн эрэр. Ити иһиттэн Үөһээ Бүлүү 1 №-дээх орто оскуолатыгар, Үөһээ Бүлүүтээҕи интернат-лиссиэйгэ, Кэбээйи улууһугар Сангаар орто оскуолата, Мэҥэ Хаҥалас улууһугар Догдоҥо орто оскуолата, Хаҥалас улууһугар Өктөм, II Дьөппөн орто оскуолалара федеральнай бүддьүөттэн көрүлүбүт үбүнэн, Бүлүү улууһун Баппаҕаайы уонна Халбаакы орто оскуолалара муниципальнай бүддьүөттэн көрүллүбүт үбүнэн өрөмүөннэннилэр.
Оскуола иннинээҕи саастаах оҕолору иитэр-үөрэтэр сорох тэрилтэлэргэ хонтуруоллуур уорганнар этиилэрин толоруу үлэтэ ыытыллар: баһаарынай уу баахтара сылытыллаллар, киин ититэр ситимҥэ холбонуу итиэнэ өрөмүөн үлэтэ түмүктэнэр.
Маны таһынан, Бэрэсидьиэн Владимир Птуин көҕүлээһинэн оҥоһуллубут хапытаалынай өрөмүөн бырагырааматын быйыл сайын улахан үлэ 25 улууска, 58 эбийиэккэ ыытылынна. Бу 58 эбийиэктэн 38 оскуола өрөмүөнэ быйыл, 20 оскуола өрөмүөнэ кэлэр сылга бүтэриллиэхтээх. Быйыл өрөмүөннэнэр 11 оскуола Дьокуускай куоракка, 27 оскуола улуустарга бааллар.
-
0
-
0
-
0
-
0
-
0
-
0
