-2023 сылга куонкуруһунан тыа сиригэр мобильнай 4G интэриниэт холботууга куоластааһын бэрээдэгэр уларыйыы киирдэ. Билигин биир дойдулаахтарыгар, чугас дьонноругар, аймахтарыгар уонна доҕотторугар көмөлөһүөн баҕарар дьон бары харгыһа суох куоластааһыҥҥа кыттыахтарын сөп, - диэн Ил Түмэн хотугу аҕыйах ахсааннаах норуоттар боппуруостарыгар уонна дьыалаларыгар сис кэмитиэтин бэрэссэдээтэлэ Елена Голомарева иһитиннэрдэ.
Саҥа балаһыанньанан, "Госуслуги" портал нөҥүө куоластааһыны таһынан, РФ Сыыппараҕа сибээһин уонна маассабай коммуникация сайдыытын миниистиэристибэтин аадырыһыгар почтанан сурук ыытыллар. (123112, г. Москва, Пресненская наб., д.10, стр.2.). Сурукка киһи аата, араспаанньата (ФИО) ыйыллар уонна ханнык тыа сирин нэһилиэгин иһин куоластыыра суруллар.
- Куоластааһыҥҥа кыра нэһилиэнньэлээх пууну өйүүр туһунан кэлэктиибинэн сайаапка эмиэ ыытыахха сөп. Кэлэктиип сүбэ мунньаҕа тэриллэр, табылыысаҕа куоластааһыҥҥа кыттааччылар ааттара суруллар, боротокуол оҥоһуллар уонна ыйыллыбыт почта аадырыһыгар ыытыллар, - диир норуот дьокутаата Елена Голомарева. - Мантан салгыы Аартыкаҕа ыраах сытар уустук суоллаах-иистээх нэһилиэктэр куонкуруска кыттар кыахтаннылар. Олохтоохтор нэһилиэк мунньаҕын боротокуолларыгар илии баттаабыттарын кэннэ, ыйыллыбыт министиэристибэ аадырыһыгар ытыллыахтаах.
Куонкурус электроннай көрүҥүнэн сэтинньи 12 күнүгэр диэри салҕанар, оттон куоластааһыҥҥа учуоттанар почтанан ыытыллар суруктары сэтинньи 26 күнүгэр диэри тутуохтара.
Санаттахха, бу иннинэ Аартыка сорох тыа сирин пууннарыгар интэриниэт суох буолан, онлайн-куоластааһыҥҥа үгүс дьон кыттыбатахтара биллибитэ.
-
0
-
0
-
0
-
0
-
0
-
0
