90 уонна 40 миэстэлээх таас оскуола-саад өрөспүүбүлүкэҕэ биллэр судаарыстыбаннай уонна уопсастыбаннай-бэлитиичэскэй диэйэтэл төрөөбүт дойдутугар, «Тыа сирин кэлимник сайыннарыы» национальнай бырагыраама олоххо киллэрии чэрчитинэн тутуллубута. Бу күннэргэ Афанасий Петрович Илларионов 80 сылын бэлиэтээтилэр. Саҥа эбийиэк аһыллыыта бэлиэ даатаҕа ананна. Парламент аатыттан эҕэрдэ тылы Ил Түмэн спикерэ Алексей Еремеев оҥордо. Кини оскуола-саад А.П. Илларионов аатын 1997 сыллаахха сүкпүтүн уонна үбүлүөйдээх сылга саҥа дьиэлэммитин бэлиэтээтэ.
- Бука барыгытын эҕэрдэлиибин уонна оскуолаҕа Хайахсыт нэһилиэгиттэн төрүттээх Афанасий Петрович Илларионов курдук уһулуччулаах дьон тахсалларын баҕарабын. Хаҥалас, Чурапчы улуустарын уонна биһиги өрөспүүбүлүкэбитин аатырда турдуннар, - диэтэ түмүктээтэ Алексей Еремеев.
Үөрүүлээх тэрээһиҥҥэ Ил Дархан Ыйааҕынан социальнай-экэнэмиичэскэй сайдыыга, үтүө суобастаах уонна өр сыллаах үлэтин иһин «Гражданскай килбиэн» бэлиэнэн педагогическай үлэ бэтэрээнэ, РФ үөрэҕириитин туйгуна Николай Оконешников наҕараадаланна, Өрөпсүүбүлүкэ Баһылыгын Бочуотунай грамотатынан СР үөрэҕириитин туйгуна Федор Борисов бэлиэтэннэ, Ил Түмэн Бочуоттаах грамотатынан уонна түөскэ кэтиллэр бэлиэнэн, үлэ бэтэрээнэ, өрөспүбүлүкэ үөрэҕириитин туйгуна Павел Митин наҕараадаланна, өр сыллаах уонна үтүө суобастаах үлэлэрин иһин Ил Дархан Махтал суругун РСФСР үөрэҕириитин туйгуна, педагогическай үлэ бэтэрээнэ Мария Петроваҕа уонна Светлана Кузьминаҕа туттардылар. Өрөспүүбүлүкэ салалтата саҥа оскуола-саадка оптуобус ыларга сертификат анаата. Салгыы норуот дьокутаатара уонна ытык ыалдьыттара оскуола-саад саҥа дьиэтигэр экскурсияҕа сырыттылар.
-
1
-
1
-
0
-
0
-
0
-
0
