Итини тоҕо санаттым? Аҕыйах хонуктааҕыта Мэңэ Хаңалас улууhун Майа с. чааhынай дьиэ умайан, кыра саастаах оҕолоох эдэр ыал уокка былдьаммыттарын саха дьоно бары аймана истибиппит. Онтон бу күннэргэ ватсапка дьоннор уот ситимигэр холбонон турбут тѳлѳпүѳн иитэрэ ити иэдээңңэ тѳрүѳт буолбут үhү диэн суруйсаллар. Итинник кэпсэл тѳhѳ оруннааҕа биллибэт. Баhаар дьиң биричиинэтин, биллэн турар, тустаах сулууспалар быhаарыахтара.
Саҕалаабыт тиэмэҕэ тѳннѳр буоллахха, чахчы, суотабай тѳлѳпүѳн иитэрин розеткаҕа холбоон турар кутталлааҕын, ѳр кэмңэ итинник хаалларыа суохтаахпытын туhунан исписэлиистэр бигэргэтэллэр.
Тоҕо диэтэххэ, тѳлѳпүѳнү уонна атын гаджеттары иитэргэ туттар тэриллэрбит импульснайдар, ол эбэтэр күүрүүлээхтэр. Ол иhин кинилэр бэйэлэрин схемаларын уратытынан электроэниэргийэни холбоммут тѳлѳпүѳнэ эбэтэр гаджета да суох ыла тураллар.
Дьэ бу кэмңэ саамай улахан куттал — кылгас тиксиһии (короткое замыкание). Уот күүрүүтүн эмискэ хамсааhына баhаарга тиэрдиэн сѳп.
-
1
-
0
-
0
-
1
-
0
-
1
