Издательский дом Редакция Подписка
Погода в Якутске: . -15 oC

Бөлөх научнай салайааччыта — п.н.д., профессор, Ил Түмэн сис кэмитиэтин бэрэссэдээтэлэ, норуот депутата Ф.В. Габышева Кэнсиэпсийэ суруллан сиппитин-хоппутун, аны олоххо киирэр механизмнара чуолкайданан, чахчы норуокка күүтүүлээх докумуон тиийэ охсуон наада диэн иһитиннэрдэ. Бу санааны буолаары турар уларыйыыларга сөп түбэһиннэрэн, кэмигэр түмүктээтибит диэн бөлөх сүрүннүүр киһитэ С.С. Семенова бигэргэтэн биэрдэ. Миниистири солбуйааччы А.П. Аргунова бөлөх айар тыыннаах үлэлээбитин бэлиэтээтэ.

Бөлөх научнай салайааччыта — п.н.д., профессор, Ил Түмэн сис кэмитиэтин бэрэссэдээтэлэ, норуот депутата Ф.В. Габышева Кэнсиэпсийэ суруллан сиппитин-хоппутун, аны олоххо киирэр механизмнара чуолкайданан, чахчы норуокка күүтүүлээх докумуон тиийэ охсуон наада диэн иһитиннэрдэ. Бу санааны буолаары турар уларыйыыларга сөп түбэһиннэрэн, кэмигэр түмүктээтибит диэн бөлөх сүрүннүүр киһитэ С.С. Семенова бигэргэтэн биэрдэ. Миниистири солбуйааччы А.П. Аргунова бөлөх айар тыыннаах үлэлээбитин бэлиэтээтэ.

Чахчы, санаан да көрдөххө, докумуон уута-хаара ыгыллан, тустаах идэтийбит дьон илиилэригэр киирэн тупсан, чочуллан, бэрт өр кэмтэн — ааспыт сыл сааһыттан баччаҕа диэри улахан бөлөх унньуктаах үлэтин дьоһун ситиһиитэ буолла. Докумуоҥҥа саха тылын предмет быһыытынан үөрэтии бары араҥата — сахалыы билэр оҕолору уонна дириҥэтэн үөрэтииттэн саҕалаан тустаах болҕомтоҕо наадыйар оҕолору, сахалыы билбэт оҕолору үөрэтиигэ тиийэ чопчуланан, саҥа стандарт ирдэбилин көрөн олорон бэрилиннэ. Маны таһынан үөрэх биир ситимин олохтуур — оҕо саадыттан саҕалаан үрдүк үөрэххэ тиийэ ситим хайдах буолуохтааҕа бэрилиннэ. Кэнсиэпсийэ билигин баар уонна үөрэх эйгэтин араас көрүҥэр тахсар кыһалҕаларга тирэҕирэн оҥоһулунна. Холобур, куорат араас үөрэтии көрүҥэ барыта баар эйгэтэ туспа кыһалҕалаах, промышленнай оройуон тыата туспа кыһалҕалаах, улуус кииннэрэ эмиэ уратылаахтар, о.д.а. Кэнсиэпсийэ маны учуоттуур гына оҥоһулунна.

Сорох дьон бу Кэнсиэпсийэ отут сыллааҕыта ылыллыбыт Төрүт оскуолалары саҥардан сайыннарыы Кэнсиэпсийэтин оннугар кэллэ диэн сыыһа өйдүүллэр. Өскөтүн урукку Кэнсиэпсийэ уопсай тыыннаах уонна оскуолаҕа, үөрэх эйгэтигэр сыһыаннаах эбит буоллаҕына, билиҥҥи Кэнсиэпсийэ саха тылын үөрэтии боппуруостарыгар быһаччы эппиэттэри биэрэр уонна араас таһымнаах нуорманы чопчулуур ис хоһоонноох. Судургутук эттэххэ, 1990-с сыллардааҕы Кэнсиэпсийэ киэҥ уонна уопсай ис хоһоонноох, оттон саҥа Кэнсиэпсийэ ордук предметнэй хайысхалаах. Онон кинилэр атын-атыттар.

Кэнсиэпсийэ дьүүллэһиитэ сийиэс кэмигэр эмиэ барбыта, хас да түһүлгэҕэ, ол иһигэр пленарнай уонна түмүктүүр мунньахтарга күүскэ этиллибитэ. Дьон санаата манна биир этэ — саха тылын үөрэтиини билигин чопчулаабатахпытына кэмэ ааһан хаалыан сөп диэн. Үөрэнэр кинигэбит хайдах буолуохтааҕыттан саҕалаан методика, үөрэтии уопсай ситимэ, үлэһиттэри бэлэмнээһин, о.д.а. кыһалҕа быһаарыллыыта үксэ Кэнсиэпсийэ сыалыгар-соругар сөп түбэспитэ. Инньэ гынан Кэнсиэпсийэ бөлөҕө сийиэс кэннэ хас эмэ төгүл мустан дьүүллэстэ, хас биирдии пууну ырытта уонна 2023 сыл олунньу 25 күнүгэр үлэтин түмүктээтэ.

Салгыы бигэргэнэн олоххо киириитэ Правительство дьаһалын нөҥүө бардаҕына бука бары ааптардар уонна үлэлии сылдьар учууталлар махталлаах буолуо этибит. Тоҕо диэтэххэ федеральнай сокуон уларыйара үгүс, ол аайы ирдэбил, нуорма, стандарт дьүһүн кубулуйан иһэр. Докумуон көннөрү бигэргэнэн баран үлэлээбэккэ сытара баар суол, онон олоххо киирэр суолларын — төрөөбүт тылбытын өрө тутуу быһыытынан көрөн үлэлээн барарын хааччыйыы — биһиги салалтабытыгар эрэлбит буолар. Билиҥҥи нормативнай ытылҕаҥҥа төрөөбүт тыллар дьылҕалара биһиги республикабытыгар куруук өрө тутуллан, өйөнөн кэлбиттэрин курдук — инникитин да харах далыгар, болҕомто киинигэр сырытталлар ханнык.

  • 6
  • 2
  • 0
  • 0
  • 0
  • 0

Комментарии (3)

This comment was minimized by the moderator on the site

Дьэ учугэй сонун эбит! Бу Саца Концепция(мин Барыл диэхпин багардым) бигэргэтиллэн олоххо киирэ охсоро буоллар! Ити нэьилиэнньэ араас арацатыгар анаан тус туспа оцоьуллубута учугэй эбит. Мин холобур сахалыы билбэт оголорго анаан туох сонун улэ барарын билиэхпин багарабын.
Докумуону суруйбут бологу улахан улэгит тумугунэн эгэрдэлиибин уонна кэскиллээх улэ тумуктэрдээх буолуон багарабын! Кэмэ кырдьык кэллэ быьылаах

This comment was minimized by the moderator on the site

Хамсааһын тахсан эрэрэ олус үөртэ,долгутта,саха буолан сахалыы билиэхтээхпит,сахалыы сылыктаан,толкуйдаан,анааран көрөр ыччаты иитиэхтээхпит.Мин биир кичим санаалаахпын ону этээри гынабын.Кылаас таһынан ыытыллар үлэлэри кичэллик көрүөххэ,дириҥник тосхоллоон учууталга пособие,методика наада.Кылаас таһынан ыытыллар эдкордар,куруһуоктар көдьүүстээхтэрин мин эт хааммынан билэбин.Манна бодоруһуу эйгэтин үөскэтэҕин,оҕо толлубат,аһаҕас буолар.А.Макаренко этэрин курдук оонньууттан саҕалыахха наада,онтон сыыйа-баайа туһааннаах темаҕа киириллэр.Манна бодоруһуу эйгэтигэр кэпсэтэн-ипсэтэн,оонньоон,күлсэн-салсан,ханнык оҕо туохха сыһыаннааҕын,дьоҕурдааҕын кэтээн көрөҕүн.Оҕо толору аһыллар.Мин хас да сыл "Сыккыс"куруһуогун салайбытцм,уонна учуутал эмиэ үөрэниэхтээх,сайдыахтаах.Бэйэтэ сатаабат буоллаҕына көдьүүһэ суох.Онно сылдьыбыт оҕолорум бары үлэлии-хамсыы сылдьалларыттан үөрэбин.Холобур журналистка Попова Л.М.,Санкт- Пет.үлэлиир журналист ,канд.полит.наук Аргылов Н.А.,олоҥхо театрын артиската Баланова В.В.,киинэ артистара Лавернов В.Н.,Далбараева Е.А,учуталлар Моедо Л.З.,Кузьмин П.Н.,Кугасов С.А.,Захаров С.М.,Улахан салайааччы СС бүтэрбит Ефимов Н.А.,
Бакычарова Л.А.салайааччы,Нутчин А.Н.врач,Корнилова Л.П. иитээччи уо.д.элбэҕи ааттаталыахха сөп этэ.Бу мантан көрдөххө Сыккыска сылдьыбыт оҕолор бары сыаллаах-соруктаах буолан ситистэхтэрэ дии саныыбын.
Оскуолаҕа саха тыла болҕомтоҕо ылыллан эрэрэ миигин үөрдэр

This comment was minimized by the moderator on the site

Помимо этого обязательно надо проводить внеклассную работу чтобы в семье говорили на родном языке, организовывать совместные мероприятия поэтому зарплата учителя родного языка должна быть выше.
Также повысить цели и преимущество для чего вообще изучается родной язык, иначе толку мало.

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением