Онно сѳп түбэhиннэрэн үѳрэх министиэристибэтигэр уhуйааччылар сүрүннүүр сэбиэттэрэ тэрилиннэ, ону таhынан уhуйааччылар Бүтүн Арассыыйатааҕы ассоциацияларын тэрийэр былаан баар диэн «Парламентскай хаhыат» суруйар.
Үѳрэх миниистирэ Сергей Кравцов этэринэн, сэбиэт араас салаалар бэрэстэбиитэллэрин холбуур.
«Идэтин суолун аан бастаан саҕалыыр хас биирдии киhиэхэ уопутун үллэстэр уонна түргэнник дьиҥнээх профессионал буола үүнэригэр кѳмѳлѳhѳр сүбэhит хайаан да наада. Мин уhуйааччылар Бүтүн Арассыыйатааҕы ассоциациялара тэриллиэхтээх дии саныыбын», - диэтэ кини.
Билигин уhуйааччы дуоhунаhын сокуоҥҥа суруйан киллэрэр сорук турар. Уhуйааччылар эбии үлэлэрэ үлэ киниискэтигэр киирэрин уонна хамнастанарын туруорсуохтара.
-
0
-
0
-
0
-
0
-
0
-
0
