«Быраас дьону эмтиир, оттон бэтэринээр киһи аймаҕы эмтиир», -- диэн мээнэҕэ этиллибэт. Киһи доруобуйата тулалыыр эйгэтиттэн, иитэр сүөһүтүттэн, кыылыттан, аһыыр аһыттан, иһэр уутуттан улахан тутулуктаах. Ити иһин, бэтэринээрдэр дьиэ кыылларыгар-көтөрдөрүгэр эмтиир-сэрэтэр дьаһаллары былааннаахтык тэрийэллэр.
Дьокуускай куорат таһынааҕы Марха бөһүөлэгин олохтооҕо Вера Силина – үлэ бэтэрээнэ, Саха Өрөспүүбүлүкэтин тыатын хаһаайыстыбатын туйгуна. Төһө даҕаны сааһырдар, үлэттэн илиитин араарбат, куорат таһынааҕы бөһүөлэктэр ыалларын ынахтарын искусственнайдык сиэмэлиир. Эдэр биир идэлээхтэрин кытары билсэр, өр сыллаах уопутун үллэстэр.
Мархатааҕы бэтэринээринэй учаастак үлэһиттэрэ бүгүн, идэлээх күннэринэн бэйэлэрин бэтэрээннэрин Вера Владимировнаны эҕэрдэлээтилэр, киниэхэ чэгиэн-чэбдик доруобуйаны баҕардылар диэн Бэтэринээрийэ департамена иһитиннэрэр.
-
0
-
0
-
0
-
0
-
0
-
0
