Мунньахха норуот дьокутааттара Александр Атласов, Афанасий Владимиров, Иван Данилов, Андрей Находкин, Прокопий Рахлеев, Александр Сусоев, Алквиад Тарасов кыттыыны ыллылар.
Быйылгы сыл бүддьүөтүгэр уларытыылары киллэриигэ уонна кэлэр 2024, 2025 сылларга былааннанар бүддьүөтү торумнааһыҥҥа иһитиннэриини үп миниистирин бастакы солбуйааччы Иван Алексеев оҥордо.
Судаарыстыба бүддьүөтүгэр кэккэ уларыйыы тахсыыта өрөспүүбүлүкэ социальнай-экэнэмиичэскэй көрдөрүүтүгэр тахсар уларыйыылартан, дохуот киириитин чопчулааһынтан о.д.а. тутулуктаах. Быйыл өрөспүүбүлүкэ судаарыстыбаннай бүддьүөтүн дохуотун кээмэйэ 26,5 млрд солкуобайынан улаатан, 322,9 млрд солк тиийэрэ, нолуоктанар уонна нолуоктаммат дохуот кээмэйэ 23,6 млрд солкуобайынан үрдэтиллэн, 196,1 млрд солк., үп босхо киириитэ 2,8 млрд солкуобайынан эбиллэн, 126,7 млрд солк буолара барылланар. Сыллааҕы ороскуот кээмэйэ 30,5 млрдынан эбиллэн, 369,5 млрд солк. тиийэр, оттон кэлэр 2024 сылга бүддьүөт ороскуоттаах чааһа 872 мөл солкуобайынан аччатыллара барылланар эбит.
Норуот дьокутааттара элбэх ыйытыылары биэрдилэр. Андрей Находкин тыа сирин кэлим сайдыытыгар көрүллэр субсидиялары чопчуласта. Александр Сусоев табаһыттарга, хотугу омуктар төрүт дьарыктарыгар көрүллэр эбии төлөбүр (хамнас) кээмэйин үрдэтэргэ туох оҥоһулларын ыйытта. Александр Атласов улуустарга тутуллан үлэҕэ киллэриллэр социальнай эбийиэктэри атыылаһан ылыыга көрүллэр харчы кээмэйэ төһө үрдэтиллэрин сураста.
--Норуот дьокутааттара сүрүннээн тыа сирин, тыа хаһаайыстыбатын өйөөһүн боппуруостарын таарыйдылар, онон үбү бу хайысханан көрөр сиэрдээх буолуоҕа, -- диэтэ мунньаҕы түмүктүүрүгэр сис кэмитиэт бэрэссэдээтэлэ Владимир Прокопьев.
-
0
-
0
-
0
-
0
-
0
-
0
