Билигин сокуон өрөспүүбүлүкэ уонна олохтоох суолталаах ураты харыстанар айылҕа территорияларыгар бултааһыны сүрүннээбэт. Сокуон 13-с ыстатыйатыгар маннык этиллэр: «Өрөспүүбүлүкэ уонна олохтоох суолталаах ураты харыстанар айылҕа территорияларыгар (ООПТ) бултааһын ураты харыстанар айылҕа территорияларын туһунан федеральнай, өрөспүүбүлүкэтээҕи сокуоннарга уонна муниципальнай быраап аакталарыгар, ону таһынан бу сирдэргэ олохтоммут айылҕаны туһаныы эрэсиимигэр сөп түбэһинэрэн ыытыллар».
Сокуон саҥа барылыгар ураты харыстанар айылҕа территорияларыгар бултааһын көҥүллэнэр көрүҥүн кэрискэтигэр уонна көҥүлү биэриигэ саҥа балаһыанньалар эбиллэн биэриэхтэрэ. Онно маннык этиллэр: «Өрөспүүбүлүкэ уонна олохтоох суолталаах ураты харыстанар айылҕа территорияларыгар бултааһын маннык территорияары тэрийии сыалын-соругун итиэннэ эрэсиимин утарбат буоллаҕына көҥүллэнэр».
Саҥа сокуон барылыгар ураты харыстанар сирдэр эрэсиимнэрин уратыларын учуоттаан туран, бултааһын маннык көрүҥнэрэ көҥүллэннэ: спортивнай уонна любительскэй, научнай-чинчийэр уонна үөрэтэр, кыыл-сүөл ахсаанын сүрүннүүр сыаллаах итиэннэ Хоту дойду, Сибиир, Уһук Илин төрүт олохтоох, аҕыйах ахсааннаах норуоттарыгар, ону сэргэ онно олорор, булдунан иитиллэр дьоҥҥо.
Ураты харыстанар сирдэргэ булт ресурсаларын бултааһыҥҥа көҥүлү биэрии Арассыыйа Федерациятын Айылҕа ресурсаларыгар уонна экологияҕа министиэристибэтэ 2014 с., атырдьах ыйын 29 күнүгэр таһаарбыт 379 №-дээх бирикээһинэн бигэргэммит Бэрээдэккэ олоҕуран бэриллиэҕэ. Ураты харыстанар территорияарга айылҕа ресрсаларын туһаныы уонна харыстааһын ураты эрэсиимин учуоттаан хонтуруолу күүһүрдэргэ, бултааһыны тэрийии айылҕа харыстьылын тэрилтэрригэр сүктэриллэр. Сокуон барыла ылылыннаҕына, официальнай бэчээккэ тахсыбыт күнүттэн 10 хонугунан күүһүгэр киирэр диэн Ил Түмэн пресс-сулууспата суруйар.
-
0
-
0
-
0
-
0
-
0
-
1
