Онон, Сылгыһыт күнэ 2017 сыллаахтан бэлиэтэнэр. Быйылгы Сылгыһыт өрөспүүбүлүкэтээҕи күнэ кулун тутар 21-22 күннэригэр Мэҥэ Хаҥалас улууһугар, Уһук Илиҥҥи федеральнай уокурук тэриллибитэ 25 сылыгар, Улуу Кыайыы 80 сылыгар, биллиилээх сылгыһыт, Социалистическай Үлэ Дьоруойа Афанасий Егорович Степанов 105 сылыгар ананан ыытыллар. Бырагыраама быһыытынан, араас улуустартан сылгыһыттар, сылгы исписэлиистэрэ, учуонайдар мустаннар, төгүрүк остуол тула олорон сылгыны иитии тирээн турар боппуруостарын туһунан кэпсэтиэхтэрэ, уопут атастаһыахтара, племенной сылгылар быыстапка-атыылара, ат сүүрдүүтэ уонна сылгыһыттар күрэхтэһиилэрэ тэриллиэҕэ. Сылгыһыттар күрэхтэһиилэрэ түөрт түһүмэҕинэн ыытыллар, хамаанда ахсын түөрт киһи, ол иһигэр 18-гар диэри саастаах эдэр киһи, 50-утан аҕа саастаах бэтэрээн баар буолар ирдэнэр. Кыайыылаахтары боччумнаах бириистэр күүтэллэр: I миэстэҕэ – 2,5 мөл солк, II миэстэҕэ – бортобуой «УАЗ» массыына, III миэстэҕэ – «Буран» снегоход!
Санатан эттэххэ, Сылгыһыт өрөспүүбүлүкэтээҕи күнэ Дьокуускайга (2017 с.), Намҥа (2018), Үөһээ Бүлүүгэ (2019), Чурапчыга (2021), Ньурбаҕа (2022), Аммаҕа (2023), Дьааҥыга (2023) ыытыллыбыттара.
Хаартыскаҕа Владимир Григорьев түһэриитэ
-
0
-
0
-
0
-
0
-
0
-
0
