Дьаарбаҥкаҕа Саха Өрөспүүбүлүэктин Бырабыыталыстыбатын Бэрэссэдээтэлин солбуйааччы Сергей Местников, Тыа хаһаайыстыбатын уонна ас-үөл бэлиитикэтин миниистирэ Артем Александров, Дьарыктаах буолуу өрөспүүбүлүкэтээҕи киинин дириэктэрин солбуйааччы Георгий Борисов, АГАТУ, «Россельхозбаан» Саха Сиринээҕи салаатын уо.д.а. тэрилтэлэр бэрэстэбиитэллэрэ кыттыыны ылыахтара. Агробырамыысыланнас эйгэтигэр анал идэлээх исписэлиистэри бэлэмниир үөрэх кыһалара үлэлэрин-хамнастарын, тыа хаһаайыстыбатын исписэлиистэрин бэлэмнээһин тиһигин билиһиннэриэхтэрэ. Спикердэр АПК-ҕа ИТ-технологияны киллэрии, АГРОбиисинэһи хайдах саҕалыыр туһунан кэпсиэхтэрэ, АГАТУ устудьуоннара биисинэс-бырайыактарын сырдатыахтара.
Тыа хаһаайыстыбатын уонна ас-үөл бэлиитикэтин министиэристибэтэ уонна Дьарыктаах буолуу өрөспүүбүлүкэтээҕи киинэ «Дьокуускайдааҕы килиэп кэмбинээтэ» ААУО, «Булуҥ» муниципальнай-унитарнай тэрилтэ, «Бөртө сылгы собуота» ХЭТ салалталарын кытары «Үлэлиир Саха Сирэ. Каадырдар» бырайыагы олоххо киллэрэргэ бииргэ үлэлиир туһунан үс өрүттээх дуогабары түһэрсиэхтэрэ. Оскуола үөрэнээччилэригэр ыытыллыбыт бастакы тыа хаһаайыстыбатын өрөспүүбүлүкэтээҕи научнай-практическай кэмпириэнсийэ түмүгэ таһаарыллыаҕа. Бырагырааманы сиһилии Тыа хаһаайыстыбатын уонна ас-үөл бэлиитикэтин министиэристибэтин саайтыгар көрүҥ.
-
0
-
0
-
0
-
0
-
0
-
0
