Аҕа дойдуну көмүскүүр Улуу сэрии кыттыылааҕа, Сэбиэскэй Сойуус коммунистическай баартыйатын Киин Кэмитиэтин чилиэнэ, ССРС Үрдүкү Сэбиэтин, Саха АССР Үрдүкү Сэбиэтин дьокутаата, 1965–1982 сс. Сэбиэскэй Сойуус коммунистическай баартыйатын Саха уобаластааҕы кэмитиэтин бастакы сэкирэтээрэ Гавриил Чиряев 1925 сыллаахха муус устар 4 күнүгэр Бүлүү улууһун Кыадаҥда нэһилиэгэр төрөөбүтэ. Биир дойдулаахтара Гавриил Иосифовиһынан киэн тутталлар, кини аатын үйэтитиигэ араас тэрээһиннэри ыыталлар.
Ол курдук, муус устар 18 күнүгэр Кыадандаҕа Гавриил Чиряев бюһугар сибэкки дьөрбөтүн ууруу, Г.И. Чиряев аатынан саҥардыллыбыт түмэл өрөгөйдөөх аһыллыыта буолан ааста.
Бүлүү куоратыгар М. Н. Жирков аатынан Култуура дыбарыаһыгар Г. И. Чиряев олоҕун уонна үлэтин туһунан кинигэ биһирэмэ, уопсастыбаннас мунньаҕа тэрилиннэ уонна “Гавриил Чиряев: сайдыы суолугар эркээйи охсооччу” диэн документальнай киинэ көрдөрүлүннэ.
Бу тэрээһиннэргэ Саха Өрөспүүбүлүкэтин Ил Дархана Айсен Николаев уонна Г.И. Чиряев сиэнэ Наталья кыттыбыттара Бүлүү дьонун үөрүүтүн үрдэттэ, тэрээһин суолтатын күүһүртэ.
-
3
-
0
-
0
-
0
-
0
-
0
