Соцситимнэри туһанааччылар иһитиннэриини тарҕатар дьарыктарын Бүтүн Арассыыйатааҕы экэнэмиичэскэй үлэ көрүҥнэрин классификаторыгар (ОКВЭД) киллэрдилэр. Уларыйыы 2025 с. ыам ыйын 1 күнүгэр күүһүгэр киирэр. Ол курдук, блогердар нолуогу төлүүр буоллахтарына көҥүллүк иһитиннэриини, ол иһигэр угуйугу тарҕатар кыахтаннылар. Инфлюенсердар түмсүүлэрэ чэпчэтиилээх нолуокка уонна намтатыллыбыт страховка төлөбүрүгэр эрэнэллэр, онтон Госдуумаҕа учуокка турууттан аккаастанан көҥүлэ суох үлэлиир блогердарга ыстараап бэлэмнииллэр. Бу туһунан «Парламентская газета» суруйар.
Росстандарт 2025 сыл кулун тутар 21 күннээх бирикээһинэн Бүтүн Арассыыйатааҕы экэнэмиичэскэй үлэ көрүҥнэрин классификаторыгар уларыйыылары бигэргэппитэ.
ОКВЭД-ка киирдилэр:
-- социальнай ситими туһанааччы иһитиннэриилэри тарҕатар үлэтэ;
-- уопсастыбаннаһы кытта сибээс эйгэтигэр атын үлэ;
- социальнай ситими туһанааччы угуйуктары тарҕатар үлэтэ;
- угуйук ааҕыннарын атын үлэлэрэ.
Блогердар хампаанньа быһыытынан нолуок сулууспатыгар учуокка туруохтарын сөп, о.э. юридическай сирэй эбэтэр урбаанньыт быһыытынан. Учуокка турарга чопчу ханнык эйгэҕэ урбаанынан дьарыктаныахтааҕын тута ыйыллыахтаах. Онуоха туһааннаах үлэ көрүҥүн куодун талыахха наада.
Сиһилии ПГ: https://www.pnp.ru/economics/u-blogerov-poyavyatsya-lgoty-i-novye-shtrafy.html
Хаартыска: «Парламентская газета»
-
0
-
0
-
0
-
0
-
0
-
0
