– Ааспыт өттүгэр кэккэ дойдулар холобурдарынан, биһиэхэ үөрэх тиһигэр араас уларыйыылар киллэриллибиттэрэ. Олортон сороҕо чахчы туһалааҕа, оҕо матырыйаалы иҥэринэригэр көдьүүстээҕэ көстүбүт буоллаҕына, уларытыллыан сөптөөҕө эмиэ баар, – диэн суруйда.
Күн бүгүн үгүс дойдулар үөрэтии үгэс буолбут ньымаларыгар төннөн эрэллэрин бэлиэтээтэ. Онуоха Кытайга оҕолор дьиэҕэ үлэни толороллоругар оҥоһуу өй айбыт матырыйаалларын сүһэн ылаллара, оттон учууталлар үөрэнээччи үлэтин оҥоһуу өй көмөтүнэн сыаналыыллара бобулларын холобурдаата. Ити курдук, АХШ оскуолаларыгар оҕолорго суругунан үлэни, сорудахтары кумааҕыга оҥорторуу сөргүтүллэн эрэр эбит. Швецияҕа 2023 с. үөрэх тиһигэр сыыппара технологиятын күүскэ киллэрии кэнниттэн кинигэни ааҕыыны уонна илиинэн суруйууну төнүннэрбиттэр, оттон Японияҕа нейроситим үлэтин бэйэм үлэм диэн туттарар бобуллубут.
– Үөрэнээччи сатабылын уонна билиитин таһыма суругунан, тылынан эксээмэннэр итиэннэ лабораторнай үлэлэр түмүктэринэн сыаналанарын аан дойду уопута көрдөрөр, – диэн түмүктээтэ Судаарыстыбаннай Дуума Бэрэссэдээтэлэ.
Хаартыска: эрэдээксийэ архыыбыттан.
-
1
-
0
-
0
-
0
-
0
-
0
