Агробырамыысыланнай комплекс – өрөспүүбүлүкэбит экэниэмикэтин биир сүрүн итиэннэ ас-үөл өттүнэн куттал суох буолуутун хааччыйар салаа. Онон, тыа сирин, тыа хаһаайыстыбатын үлэтэ тыын суолтатын сүтэрбэт.
Эһиги, тыа хаһаайыстыбатын үлэһиттэрэ, төрүт дьарыгы уонна сиэри-туому харыстыыр, үйэтитэр, тыа хаһаайыстыбатын суолтатын үрдэтэр, аһы-таҥаһы элбэтэн норуот чөл туругун харыстыыр, ханнык да уустук кэмнэргэ алаас өтөхсүйбэтин, төрүт түөлбэ иччитэхсийбэтин туһугар үлэлиир-хамсыыр, олорор ураты аналлааххыт.
Күндү дьоммут, үрүҥ аһы үрүлүтээччилэр, хороҕор муостааҕы дэлэтээччилэр, тыа сирин оҥкулун, норуот үйэлээх үгэстэрин, төрүт дьарыктарын тутан олорооччулар! Үлэҕит-хамнаскыт ситиһиилээх буоллун, сыралаах үлэҕит үтүө түмүктэри аҕаллын. Баҕарабын ыраас халлааны, быйаҥнаах бааһынаны, үрдүк үүнүүнү уонна дьоһун дохуоту! Баҕарбыт баҕа санааларгыт, туруоруммут сыалгыт-соруккут олоххо киирэн истиннэр!
Истиҥ эҕэрдэни кытары Александр АТЛАСОВ, Ил Түмэн тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ.
-
0
-
0
-
0
-
0
-
0
-
0
