Ол курдук, Нерюнгри куорат сүүс араас омуктан турар нууччалыы тыыннаах нэһилиэнньэтигэр Олоҥхо ыһыаҕа диэн тугун, кини суолтатын билиһиннэрбиттэрэ, төрүт олохтоох омуктар төрүт култуураларын сырдатар сэминээрдэри ыыппыттара. Уһуйааннар иитээччилэрэ кырачаан иитиллээччилэргэ, учууталлар оскуола үөрэнээччилэригэр, култуура дьиэлэрин үлэһиттэрэ нэһилиэнньэҕэ Саха Сирин төрүт олохтоох омуктарын култуураларын, ол иһигэр ыһыах туһунан табатык сырдаталларыгар араас методическай матырыйааллары төһө кыайалларынан-сатыылларынан хааччыйбыттара.
Билигин бу үлэлэрин кинилэр салгыы ыыталларын туһунан култуура салалтатын сүрүн исписэлииһэ Варвара Корякина маннык кэпсээтэ:
-- Киин бибилэтиэкэ кыраайы үөрэтэр салаатыгар хас чэппиэр ахсын «Якутия. Интересное обо всем» диэн лекторийы тэрийэн ыытабыт. Бу үлэбит Нерюнгри куорат төрүттэммитэ 50 сылыгар, Иенгра национальнай нэһилиэгин 100 сылыгар итиэннэ аны сайын Нерюнгрига ыытыллыахтаах улахан бырааһынньыкка, Норуоттар икки ардыларынааҕы Бакалдыҥҥа ананар. Инньэ гынан, оройуон төрүт олохтоох омуктарын, эбэҥкилэр, култуураларын уонна үгэстэрин туһунан сырдатабыт. Холобур, ааспыт чэппиэргэ, ол эбэтэр алтынньы 23 күнүгэр эбэҥки итэҕэлин туһунан кэпсээтибит. Оттон оскуола үөрэнээччилэригэр Нерюнгри сирин номохторун туһунан кэпсээтибит. Бу курудк кыһын устатыгар эрдэттэн былааннамыт тиэмэлэринэн үлэлиэхпит, лиэксийэ ааҕыахпыт, таайбараҥ ыытыахпыт.
Хаартыскалары Варвара Корякина ыытта.
-
0
-
0
-
0
-
0
-
0
-
0
