Бастакы хотону Төхтүргэ «Илгэ» кэпэрэтиип (салайааччы Евдокия Холмогорова) тутунна. Бу кэпэрэтиип 2025 с. тэриллибитэ, 69 сүөһүлээх, ол иһигэр 27 ыанар ынахтаах. Хотону тутууга өөрспүүбүлүкэ бүддьүөтүттэн 14,7 мөл солк көрүллүбүтэ, бэдэрээччигинэн «Феномен» ХЭТ үлэлээтэ. Иккис хотону Бэдьимэҕэ «Сүүрээн» кэпэрэтиип (салайааччы Василий Неустроев) тутунна. Бу хаһаайыстыба быйыл тэриллибитэ, билиҥҥитэ 70 ынах сүөһүлээх.
Тыа хаһаайыстыбатын уонна ас-үөл бэлиитикэтин миниистирин солбуйааччы Георгий Гаврильев этэринэн, дьоҕус киэптээх үлэ эбийиэктэрин тутуу тыа хаһаайыстыбатын боломуочуйата улуустарга бэриллиэҕиттэн чорботуллар хайысха буолар. 2025 сыллаахха 96 нэһилиэккэ 109 дьоҕус эбийиэк үлэҕэ килэриллибитэ, 60 эбийиэккэ үлэ саҕаланан быйыл киллэрилиннэ. Ону таһынан, 2026 сылга үбүлэнэн, 47 нэһилиэккэ 66 дьоҕус эбийиэк (26 хотон, 7 сылгы баасата, 2 сайылык) тутуллар. Итинэн бу икки сыл иһигэр 175 дьоҕус эбийиэк тутулунна уонна саҥардылынна. Мэҥэ Хаҥалас улууһугар быйыл үс хотон тутулларыттан иккитэ үлэҕэ киирдэ диэн Тыа хаһаайыстыбатын уонна ас-үөл бэлиитикэтин министиэристибэтин пресс-киинэ иһитиннэрэр. Хаартыска: Тыа хаһаайыстыбатын уонна ас-үөл бэлиитикэтин саайта.
-
0
-
0
-
0
-
0
-
0
-
0
