Бүгүн быыбардыыр учаастактар сарсыарда 8 чаастан үлэлээбиттэр киэһэ 20:00 чааска диэри олохтоохтор кэлэн быыбардыахтарын сөп.
Быыбардыыр хамыыһыйа бэрэссэдээтэлэ Алла Самойлова иһитиннэрбитинэн, бээтинсэҕэ 1927 киһи быыбардыыр учаастактарга кэлэн гражданскай иэстэрин толорбуттар, 1215 киһи дьиэлэриттэн куоластаабыттар. «Быыбардыыр хамыыһыйалар үлэлэрэ былааннаммытын курдук ыытыллаллар, харгыстыыр быһыылар-майгылар тахсыбатылар. Ол эрээри, биир хандьытааты сокуоннайа суох аҕытаассыйалааһын таҕыста, ол туһунан иһитиннэриини тустаах уорганнарга ыыттыбыт.Быыбардыыр сокуоҥҥа кэһии тахсыбатын хандьытааттар бэрэстэбиитэллэрэ кэтииллэр», -- диэн Алла Самойлова эппит.
Санатар буоллахха, куоракка олорор туһунан регистрациялаах эрэ киһи быыбардыыр. Олорор сиринэн бигэргэммит учаастактарга эрэ быыбардыыр бырааптаах. Быыбардыыр учаастагын аадырын http://yagtik.ru/2021/03/26/izbiratelnye-uchastki-goroda-jakutska/ саайтка киирэн билиэн сөп. Эбэтэр 40-80-35 төлөпүөн нүөмэринэн интэриэһиргиин боппуруостарыгар эппиэт ылыан сөп. Ол туһунан Дьокуускай куорат дьаһалтатын пресс-сулууспата иһитиннэрэр.
-
0
-
0
-
0
-
0
-
0
-
0
