Издательский дом Редакция Подписка
Погода в Якутске: . -11 oC

Таатта улууһун Тыараһатын орто оскуолатыгар төрдүс төгүлүн ыытыллар “Тыыннаах тыл” ааҕааччылар күрэхтэһиилэрэ Саха Өрөспүүбүлүкэтэ төрүттэммитэ 100 сылыгар ананна.

Таатта улууһун Тыараһатын орто оскуолатыгар төрдүс төгүлүн ыытыллар “Тыыннаах тыл” ааҕааччылар күрэхтэһиилэрэ Саха Өрөспүүбүлүкэтэ төрүттэммитэ 100 сылыгар ананна.

Быйылгы күрэхтэһии уратытынан уһуйаан саастаах оҕолор туспа бөлөҕүнэн кыттыылара буолла. Таатта, Чурапчы, Амма, Мэҥэ Хаҥалас, Уус Алдан, Горнай, Ньурба, Муома, Эдьигээн улуустарыттан уонна Дьокуускай куораттан үс бөлөҕүнэн барыта 74 сайаапка киирдэ. Ордук алын кылаас үөрэнээччилэрэ көхтөөхтүк кытыннылар. Эһиил үбүлүөйдээх бэһис сылыгар куонкурус хабаанын кэҥэтэр, өссө үрдүк таһымҥа таһаарар кэккэ былааннар бааллар.

П.А.Ойуунускай аатынан Саха академическай театрын дириэктэрэ Петр Макаров бэрэссэдээтэллээх тоҕус киһиттэн турар дьүүллүүр сүбэ оҕолор үлэлэрин олус болҕомтолоохтук сирийэн көрдө, сыанабылын туруорда. Онон уопсай түмүк маннык буолан таҕыста:

Бастакы бөлөх

Лауреаттар: I үрдэл -- Эрчим Афанасьев, Чурапчытааҕы “Чуораанчык” уһуйаан иитиллээччитэ, алта саастаах. Николай Якутскай “Сайын үүрүллүүтэ”. Салайааччы: М.К. Корякина. II үрдэл – Лилли Дьячковская, Чурапчы улууһа, Уһун Күөл “Сулусчаан” уһуйаанын иитиллээччитэ, алта саастаах. Егор Макаров-Үөкүйэ “Сэттэлээх быраас”. Салайааччылар: Н. Никифорова, М. Васильева. II үрдэл – Валера Васильев, Таатта улууһа, Тыараһатааҕы “Сардаана” уһуйаан иитиллээччитэ. 5 саастаах. Д.К.Сивцев-Суорун Омоллоон “Бээчэ бэргэһэтэ”. Салайааччы Л.Г. Турнина.

Дипломаннар: I үрдэл – Айаана Пестрякова, Чурапчы улууһа, Мындаҕаайы сэл. “Ымыы” уһуйаанын иитиллээччитэ, 6 саастаах. Софрон Данилов “Икки кыыс уонна икки ийэ”. Салайааччы: К.А. Дедюкина. II үрдэл – Авелина Эртюкова, Таатта улууһа, Тыараһатааҕы “Сардаана” уһуйаан иитиллээччитэ, 5 саастаах. Д.К. Сивцев-Суорун Омоллоон “Куттамсах куобах”. Салайааччылар: Д.В. Попова, Р.Д. Огонерова. III үрдэл – Айгылаана Семенова, Таатта улууһун, Уолбатааҕы “Кэнчээри” уһуйаан иитиллээччитэ. 7 саастаах. Иван Мигалкин “Тииҥнэр уонна чыычаахтар”. Салайааччы: В.В. Боппосова.

Иккис бөлөх

Лауреаттар: I үрдэл – Айсен Пономарев, Таатта улууһа, А.И.Софронов- Алампа аатынан Ытык Күөл 1 №-дээх орто оскуолатын 4 “а” кыл. үөрэнээччитэ. “Соломуон Муударас” остуоруйа. Салайааччы: Х.Е. Туласынова. II үрдэл -- Эрсан Потапов, Таатта улууһа, А.И.Софронов-Алампа аатынан Ытык Күөл 1 №-дээх орто оскуолатын 1 “а” кыл. үөрэнээччитэ. Т.Е.Сметанин “Этэрбэс чаархаан буолбута”. Салайааччылар: Г.И. Маркова, В.С. Потапова. III үрдэл – Маша Николаева, Таатта улууһа, А.И. Софронов-Алампа аатынан Ытык Күөл 1 №-дээх орто оскуолатын 2 кыл. үөрэнээччитэ. Д.К. Сивцев-Суорун Омоллоон “Дигиниир мээчик”. Салайааччы: П.Р. Дедюкина .

Дипломаннар: I үрдэл – Виталий Мухин, Таатта улууһа, М.Н.Турнин аатынан Тыараһа орто оскуолатын 1 кыл. үөрэнээччитэ. Иннокентий Левин “Айдаар буквалара”. Салайааччы: Г.Ф. Халыева. II үрдэл – Максим Федоров, Таатта улууһа А.И. Софронов-Алампа аатынан Ытык Күөл 1 №-дээх орто оскуолатын 4 “в” кыл. үөрэнээччитэ. Д.К. Сивцев-Суорун Омоллоон “Киһиргэсчээн”. Салайааччы: В.Г. Винокурова. III үрдэл – Марк Луковцев , Таатта улууһа А.И. Софронов-Алампа аатынан Ытык Күөл 1 №-дээх орто оскуолатын 4 “в” кыл. үөрэнээччитэ. П.А. Ойуунускай “Өйдөөх оҕо”. Салайааччы Х.Е. Туласынова.

Үһүс бөлөх

Лауреаттар: I үрдэл – Коля Чехченнонов, Таатта улууһа, М.Н.Турнин аатынан Тыараһа орто оскуолатын 9 кыл. үөрэнээччитэ. Тимофей Сметанин “Булчуттар”. Салайааччы: М.Ф. Петрова. II үрдэл – Саяна Бучугасова, Таатта улууһа, М.Н.Турнин аатынан Тыараһа орто оскуолатын 10 кыл. үөрэнээччитэ. Любовь Готовцева “Эбээ долбуура”. Салайааччы: У.Н. Варламова. III үрдэл – Уйгууна Халыева, Таатта улууһа, М.Н. Турнин аатынан Тыараһа орто оскуолатын 11 кыл. үөрэнээччитэ. Айысхаана “Үргүөрдээх кэм үнүгэстэрэ”. Салайааччы: У.Н. Варламова.

Дипломаннар: I үрдэл -- Ариан Максимов, Чурапчы улууһа, Н.Д. Субуруускай аатынан Болтоҥо орто оскуолатын 6 кыл. үөрэнээччитэ. Д.К.Сивцев-Суорун Омоллоон “Бэйэтэ эмтиэкэ”. Салайааччы: Д.Н. Ефремова. II үрдэл -- Айсана Полускина, Таатта улууһа, М.Н. Турнин аатынан Тыараһа орто оскуолатын 5 кыл. үөрэнээччитэ. Миэль Юмшанова “Сыттаах сурук”. Салайааччы: Г.Ф. Полускина. III үрдэл – Диадора Другина, Амма, М.Н. Сибиряков аатынан Сэргэ Бэс орто оскуолатын 6 кыл. үөрэнээччитэ. Эрилик Эристиин “Маарыкчаан ыччаттара”. Салайааччы: Л.П. Другина.

Тыараса-_1.JPG

Гран-при – Вася Полускин, Таатта улууһа, М.Н.Турнин аатынан Тыараһа орто оскуолатын 10 кыл. үөрэнээччитэ. Д.К.Сивцев-Суорун Омоллоон “Бастакы дьарапалаан”. Салайааччы: Г.И. Полускина.

Номинациялар:

1. “Тэрийээччи биһирэбилэ” анал аат – Коля Матвеев, Таатта улууһа, М.Н. Турнин аатынан Тыараһа орто оскуолатын 8 кыл. үөрэнээччитэ. Николай Якутскай “Саа сыаната”. Салайааччы: К.А. Иванова.

2. П.А. Ойуунускай аатынан Саха академическай театрын анал аата – Алгыс Попов, Мэҥэ Хаҥалас, Төхтүр орто оскуолатын 6 кыл. үөрэнээччитэ. Оҕо искусствотын оскуолатын иитиллээччитэ. Т.Сметанин “Мэхээлэчээн булчут кэпсээннэрэ”. Салайааччы: Е.И. Вензель.

3. А.Д.Макарова аатынан Дьокуускайдааҕы культура уонна искусство колледжын анал аата -- Коля Чехченнонов, Таатта улууһа, М.Н. Турнин аатынан Тыараһа орто оскуолатын 9 кылааһын үөрэнээччитэ. Тимофей Сметанин “Булчуттар”. Салайааччы: М.Ф. Петрова.

4. С.А. Новгородов аатынан “Айар” Национальнай кинигэ кыһатын анал аата – Сайаан Кривошапкин, Таатта улууһа, Игидэй “Теремок” уһуйаанын иитиллээччитэ, 6 саастаах. Иван Мигалкин “Доҕордуу буолуохха”. Салайааччы: К.А. Дедюкина.

5. “Саха” национальнай көрдөрөр-иһитиннэрэр компания анал аата – Чэмэлииниэ Аргунова, Д.А. Петров аатынан Ытык Күөл 2 №-дээх орто оскуолатын 4 “а” кыл. үөрэнээччитэ, "Кустук" оҕо образцовай драматическай театрын иитиллээччитэ. Клавдия Васильева “Куобах хаппыыстата”. Салайааччы: Т.И. Захарова.

6. “Кэскил” өрөспүүбүлүкэтээҕи оҕо кыһатын анал аата – Влада Александрова, Таатта улууһа А.И. Софронов-Алампа аатынан Ытык Күөл 1 №-дээх орто оскуолатын 4 “в” кыл. үөрэнээччитэ. А. Розен “Гвардия рядовойа” кэпсээн “Дьоруой оҕолор” кинигэттэн. Салайааччы: В.Г. Винокурова.

7. “Полярная звезда” литературнай сурунаал анал ааттара: Антон Абашев, Муома улууһа, В.Д. Лебедев аатынан Орто Дойду орто оскуолатын 6 кыл. үөрэнээччитэ. Н.М. Заболоцкай-Чысхаан “Дьэллик кэпсээннэрэ”. Салайааччы: Н.К. Николаева; Егор Григорьев, Горнай улууһа, Кэптин орто оскуолатын 4 кыл. С.С.Яковлев-Эрилик Эристиин “Хачыгыр”. Салайааччы: Н.И. Петрова.

8. Тааттатааҕы үөрэх управлениетын анал аата – Мичил Луковцев, Таатта улууһа, М.Н.Турнин аатынан Тыараһа орто оскуолатын 2 кыл. үөрэнээччитэ, Петр Аввакумов “Биир тыл”. Салайааччы: Е.С. Пудова.

9. Улуустааҕы Норуот айымньытын дьиэтин анал аата – Диана Данилова, Таатта улууһа, В.И.Ленин аатынан Уолба орто оскуолатын 2 кыл. үөрэнээччитэ. “Баҕа аттаммыта” остуоруйа. Салайааччы: Э.И. Гаврильева.

10. И.С.Жараев аатынан СӨ Норуоттарын аудиовизуальнай нэһилиэстибэтин национальнай киинин фондатын анал аата – Айна Григорьева, Таатта улууһа, М.Н.Турнин аатынан Тыараһа орто оскуолатын 2 кыл. үөрэнээччитэ. Алексей Бродников “Куобах”. Салайааччы: Г.И. Полускина.

11. “Кыым” хаһыат анал аата – Данил Литвинцев, Таатта улууһа, М.Н.Турнин аатынан Тыараһа орто оскуолатын 5 кыл. үөрэнээччитэ. Варвара Федорова “Иҥсэ иэдэппит”. Салайааччы: Е.С. Данилова.

12. “Тыыннаах тыл -2021” ааҕыы күрэһин Гран-при хаһаайката Зинаида Боярова анал аата -- Мичийэ Менкярова, Дьокуускай куорат, Айыы кыһатын 1 кыл. үөрэнээччитэ. “Тоҕо кыһын уһаабыта, сайын кылгаабыта” остуоруйа. Салайааччы: М.П. Менкярова.

Тыараһа нэһилиэгин тэрилтэлэрэ, уопсастыбаннай түмсүүлэрэ бу күрэхтэһиигэ кыттыбыт нэһилиэктэрин оҕолоругар анал ааттары туттарар үтүө үгэстээхтэр. Быйыл Тыараһа нэһилиэгиттэн 32 оҕо кыттыыны ылла: “Сардаана” уһуйаантан 3, Тыараһа орто оскуолатыттан 27, Тыараһатааҕы коррекционнай оскуолаттан 2 оҕо. “Хаһыс да сылын кыттар оҕолор, эбиллибиттэр, саҥараллара тупсубут”, -- диэн дьүүлүүр сүбэ бэлиэтээн эттэ.

Тыараһа нэһилиэгин номинациялара:

1. “Тыараһа нэһилиэгэ” МТ дьаһалтата – Мухина Айхаана, М.Н.Турнин аатынан Тыараһа орто оскуолатын 3 кыл. үөрэнээччитэ. Д.К.Сивцев-Суорун Омоллоон “Бэйэтэ эмтиэкэ”. Салайааччы: Е.Е. Мухина.

2. Л.Н.Турнин аатынан “Алгыс” норуот айымньытын дьиэтин анал аата – Лилия Чехченнонова, М.Н.Турнин аатынан Тыараһа орто оскуолатын 6 кыл. үөрэнээччитэ. Д.К.Сивцев-Суорун Омоллоон “Куоттарбыттар”. Салайааччы: М.Ф. Петрова.

3. М.Н.Турнин аатынан Тыараһа орто оскуолатын анал аата – Мичийэ Николаева, М.Н.Турнин аатынан Тыараһа орто оскуолатын 4 кыл. үөрэнээччитэ. Салайааччы: Егасова Туйаара Петровна; Чехордуна Мичийээнэ, “Сардаана” уһуйаан иитиллээччитэ. 5 саастаах. Д.К.Сивцев-Суорун Омоллоон “Ньирэй уонна ый”.

4. “Хардыы” литературнай түмсүү анал аата – Василина Матвеева, М.Н.Турнин аатынан Тыараһа орто оскуолатын 10 кыл. үөрэнээччитэ. Алексей Бродников “Сылгы киһитээҕэр ордук”.

5. Ситим” уопсастыбаннай түмсүү анал ааттара: Егор Окоемов, М.Н.Турнин аатынан Тыараһа орто оскуолатын 7 кыл. үөрэнээччитэ. Николай Пестряков “Майаҕатта Бэрт Хара. Далла Мэндэйии”. Салайааччы: В.И. Турнина; Алик Филиппов, Тыараһа коррекционнай орто оскуолатын 9 кыл. үөрэнээччитэ. Тимофей Сметанин “Куттас доҕор”. Салайааччы: Н.И. Турнина; Нарыйаана Адамова, Тыараһа коррекционнай орто оскуолатын 8 кыл. үөрэнээччитэ. Уйбаан Бахсылыырап “Оҕолорбуун!... Кырыыстаах сэрии!...” Салайааччы: Н.И. Турнина;

6. Екатерина Петровна Чехордуна “Ааптар биһирэбилэ” анал аата – Мила Турнина, М.Н.Турнин аатынан Тыараһа орто оскуолатын 1 кыл. үөрэнээччитэ. Е.П.Чехордуна-Кэчиимэ “Чэ, хата, бэркэ күллүбүт!”

Кыайыылаахтар грамотанан, кубогынан, харчынан бириэмийэнэн, бэлэхтэринэн наҕараадаланнылар. Күрэс бары кыттааччыларыгар, оҕолору бэлэмнээбит иитээччилэргэ, учууталларга, төрөппүттэргэ уонна спонсордарбытыгар махталбытын биллэрэбит. Сахабыт тыла үүнэ-сайда турдун, көлүөнэттэн көлүөнэҕэ бэриллэн истин.

Таатта Тыараһатыттан Галина Полускина, өрөспүүбүлүкэ Бэчээтин туйгуна.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением