Амма 2№-дээх орто оскуолатын 1991 сыллаахха бүтэрээччилэргэ 10 “а” кылааска Светлана Васильевна Климонтова уонна 10 “б”кылааска Ананий Дмитриевич уонна Марианна Ивановна Трифоновтар кылаас салайааччытынан үлэлээбиттэрэ. Бу икки кылаас оскуоланы бүтэриэхтэриттэн быстыспакка бииргэ сылдьаллар. Учууталларын хаһан да умнубаттар, куруутун билсэ, кэпсэтиһэ, сонуннарын, үөрүүлэрин үллэстэ тураллар. Кэлэр сылга оскуоланы бүтэрбиттэрэ 30 сыла туолар. Икки кылаас олохторугар чиҥник үктэнэн, бэйэлэрин суолларын булбут дьон. Кинилэр ортолоругар өрөспүүбүлүкэ экэниэмикэҕэ миниистирэ Майя Данилова, Ил Түмэн дьокутаатынан талыллан таһаарыылаахтык үлэлээбит, “Олимпийскай эрэллэр” училище директора Алексей Филиппов бааллар. Бу күннэргэ кинилэр учууталлара Марианна Ивановна Трифонова дьиэтин акылаатын көтөхтөрөн, толору өрөмүөннээн биэрдилэр.
Амма 2№-дээх орто оскуолатын 1991 сыллаахха бүтэрээччилэргэ 10 “а” кылааска Светлана Васильевна Климонтова уонна 10 “б”кылааска Ананий Дмитриевич уонна Марианна Ивановна Трифоновтар кылаас салайааччытынан үлэлээбиттэрэ. Бу икки кылаас оскуоланы бүтэриэхтэриттэн быстыспакка бииргэ сылдьаллар. Учууталларын хаһан да умнубаттар, куруутун билсэ, кэпсэтиһэ, сонуннарын, үөрүүлэрин үллэстэ тураллар. Кэлэр сылга оскуоланы бүтэрбиттэрэ 30 сыла туолар. Икки кылаас олохторугар чиҥник үктэнэн, бэйэлэрин суолларын булбут дьон. Кинилэр ортолоругар өрөспүүбүлүкэ экэниэмикэҕэ миниистирэ Майя Данилова, Ил Түмэн дьокутаатынан талыллан таһаарыылаахтык үлэлээбит, “Олимпийскай эрэллэр” училище директора Алексей Филиппов бааллар. Бу күннэргэ кинилэр учууталлара Марианна Ивановна Трифонова дьиэтин акылаатын көтөхтөрөн, толору өрөмүөннээн биэрдилэр.
“Дьиэм олох түһэн, хайдах өрөмүөннүүбүн диэн санаа бөҕө түспүтүм. Онтон тутууга сыһыаннаах диэн үөрэнээччибин Анатолий Федоровы ыҥыран сүбэлэппитим. Онуоха кини сирийэн көрбүтэ. “Биир эрэ суол баар, хара муосталаан көтөхтөрүөххэ наада эрэ сатанар”, – диэн эппитэ.
Дьэ, мин ону хайдах оҥорторорум буолла диэн толкуйга түспүтүм. Ону Анатолий икки кылааһы түмэ тардан, икки нэдиэлэнэн оҥорон бүтэрэн кэбиһэн туох да махталым муҥура суох. Оҕолорум барахсаттар Анатолий Федоров, Аполлон Захаров улахан тутуу маастардара буолбуттар, үлэлииллэрин, сатаан тутталларын-хапталларын киһи эрэ астына көрөр. Куоракка олорор оҕолор Иван Максимов, Стас Захаров тутуу матырыйаалын буллулар. Ону барытын Алена Егорова тиэйтэрэн аҕалла. Ону таһынан Алена Алексеевна күн аайы туох наадатын, итэҕэһин сөрү-сөпкө суоттаан ааҕан баар оҥорон истэ. Аллараа Бэстээххэ олорор Татьяна Тастыгинабыт тутуу, электроматырыйаал атыылаһан ыытта уонна бэйэтэ икки күн кэлэн субуотунньуктаата. Анна Григорьева диэн үөрэнээччим түөрт “Камаз” массыына буор аҕалтарда. Олег Александров электрик буолан уоппун олох да саҥаттан тардан биэрдэ. Оҕолорум буор үлэтигэр бэйэлэрин оҕолорун, бырааттарын көмөлөһүннэрдилэр. Үлэ хаамыытын барытын Анатолий Георгиевич Федоров тэрийэн, салайан ыытта.
"Амма олоҕо" хаһыат
0
0
0
0
0
0
