Судаарыстыбаннай Дуума тустаах кэмитиэтин чилиэннэрэ Ил Түмэн дьокутааттарын, толоруулаах былаас федеральнай уорганнарын, Уһук Илин уонна Арктика эрэгийиэннэрин сокуону таһаарар (бэрэстэбиитэллээх) уонна толоруулаах судаарыстыбаннай былаастарын уорганнарын, уопсастыбаннай уонна научнай тэрилтэлэр бэрэстэбиитэллэрин кытары «төгүрүк остуол» тула олорон, Уһук Илин уонна Арктика социальнай-экэнэмиичэскэй сайдыыларын сокуон өттүнэн хааччыйыыны тупсарыы боппуруостарынан туһунан кэпсэтиэхтэрэ.
Онно сүрүннээн маннык боппуруостар көрүллүөхтэрэ:
преференциальнай эрэсиимнэр сокуонунан сүрүннэниилэрэ;
таһаҕаны тиэйиигэ-таһыыга хааччахтанар болдьохтоох оройуоннарга туттар табаары уонна аһы-үөлү тиэрдиини («хотугу собуоһу») сүрүннээһин;
Уһук Илиҥҥэ уонна Арктикаҕа экология боппуруостарын быраап уонна дьаһалта өттүттэн сүрүннээһин;
ирбэт тоҥ туругар мониторины ыытарга төрүт буолар сокуону ырытан оҥоруу;
тырааныспар тиийимтиэ буолуутун үрдэтии; Арасыыйа Федерациятын Хотугу уонна Сибиир, Уһун Илин аҕыйах ахсааннаах төрүт олохтоох омуктарын бырааптарын хааччыйыы;
экономика уонна социальнай эйгэ салааларын сыыппара технологиятыгар киллэрии, туризмы сайыннарыы, о.д.а.
Судаарыстыбаннай Дуума сис кэмититэтин чилиэннэрэ сарсыарда өттүгэр «Якутия» урутаан сайдар территорияҕа, «Саюри» тэпилииссэ комплексыгар сылдьыбыттара, Ил Дархан Айсен Николаевы уонна Ил Түмэн Бэрэссэдээтэлэ Алексей Еремеевы кытары көрсүспүттэрэ. Сарсын Туймаада ыһыаҕар ыалдьыттыахтара. «Төгүрүк остуол» туһунан сиһилии хаһыат кэлэр нүөмэригэр биэриэхпит.
-
0
-
0
-
0
-
0
-
0
-
0
