Издательский дом Редакция Подписка
Погода в Якутске: . 4 oC

Ил Түмэн бастакы вице-спикерэ Александр Жирков ыам ыйын 29  күнүгэр   СӨ Бырабыыталыстыбатын Бэрэссэдээтэлэ Андрей Тарасенконы кытта көрсөн сааскы халаан уутуттан эмсэҕэлээбит илин эҥэр улуустарыгар көмөнү оҥоруу боппуруостарын дьүүллэстэ. Маны таһынан, тыа хаһаайыстыбатын, мелиорация боппуруостарыгар, халаан уута алдьаппыт быһыттарын, ууга ылларбыт айан суолларын хаттаан сөргүтүү, бөҕөргөтүү онтон да атын халаан уутун содулун туоратыы дьаһалларын туһунан сүбэлэстилэр.

Ил Түмэн бастакы вице-спикерэ Александр Жирков ыам ыйын 29  күнүгэр   СӨ Бырабыыталыстыбатын Бэрэссэдээтэлэ Андрей Тарасенконы кытта көрсөн сааскы халаан уутуттан эмсэҕэлээбит илин эҥэр улуустарыгар көмөнү оҥоруу боппуруостарын дьүүллэстэ. Маны таһынан, тыа хаһаайыстыбатын, мелиорация боппуруостарыгар, халаан уута алдьаппыт быһыттарын, ууга ылларбыт айан суолларын хаттаан сөргүтүү, бөҕөргөтүү онтон да атын халаан уутун содулун туоратыы дьаһалларын туһунан сүбэлэстилэр.

Чуолаан, Уус-Алдан улууһугар сааскы халаан уутун содулуттан Бороҕон – Танда – Тиит-Арыы – Бээрийэ – Чэриктэй, Найахы –Өспөх, Окоемовка – Уус Күөлэ –Балаҕаннаах, ону тэҥэ Суотту, Саһылыкаан суолларыгар уу тахсыталаан   айан суоллара, ууну туоруур муосталар ууга баран суола-ииһэ суох хаалан ыам ыйын 16 күнүгэр манна ыксаллаах быһыы-майгы биллэриллибитэ. Халаан уутуттан харыстыыр сорох быһыттары уу курдаттыыр кутталлаах, ону олохтоохтор кэтииллэр. Маны тэҥэ, Александр Жирков бырабыыталыстыба бэрэссэдээтэлигэр халаан уутуттан суола-ииһэ суох хаалбыт нэһилиэктэргэ дьону таһыы, аһы-таҥаһы тиэрдии туһунан улуус этиитин тириэртэ.

Бу күннэргэ СӨ Бырабыыталыстыбатын Бэрэссэдээтэлин сорудаҕынан илин эҥэр улуустарга бырабыыталыстыба солбуйар бэрэссэдээтэлэ Дмитрий Садовников салайааччылаах бөлөх тахсан үлэлиир. Ыам ыйын 30 күнүгэр бу бөлөх Уус-Алдаҥҥа  үлэлиэҕэ.

Көрсүһүү түмүгүнэн Бырабыыталыстыба бэрэссэдээтэлэ Андрей Тарасенко Александр Жирков туруорбут боппуруостарын үп министиэристибэтигэр, бырабыыталыстыба хамыыһыйатыгар суһаллык дьүүллэһэн, сааскы халаан уутун содулун туоратыы үбүлээһинин иһинэн  быһааралларыгар сорудахтаата.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением