Докумуону ФС парламент үлэтин регламеныгар уонна тэрээhинигэр Кэмитиэтин бэрэссэдээтэлин бастакы солбуйааччыта Сергей Перминов билиhиннэрдэ.
«Российскай Федерация туспа сокуон таhаарар аакталарыгар уларытыылары киллэрии уонна Российскай Федерация сокуону таhаарар аакталарын туспа балаhыанньалара күүстэрин сүтэрбиттэрин билинии туhунан» Федеральнай сокуонунан араас эйгэлэргэ — экэниэмикэҕэ, доруобуйа харыстабылыгар, тулалыыр эйгэни харыстааhыҥҥа, үѳрэхтээhиҥҥэ, култуураҕа уо.д.а. РФ Бырабыыталыстыбатын кэккэ боломуочуйаларын ситэриилээх былаас федеральнай уорганнарын таhымыгар биэрии кѳрүллэр.
Билиҥҥи бириэмэҕэ РФ Бырабыыталыстыбатынан биэдэмистибэлэр икки ардыларынааҕы хараахтыра суох элбэх боломуочуйа оҥоhуллар. РФ Бырабыыталыстыбатын туспа боломуочуйаларын сокуон бырайыагар сѳп түбэhиннэрэн биэрии салайар быhаарыылары ылыныыны түргэтэтэргэ, Бырабыыталыстыба уонна ситэриилээх былаас федеральнай уорганнарын үлэлэрин оптимизациялыырга кѳмѳлѳhүѳҕэ.
ФС парламент үлэтин регламеныгар уонна тэрээhинигэр Кэмитиэтин бэрэссэдээтэлэ Вячеслав Тимченко этиитинэн ФС Кэмитиэтигэр бу сокуон олоххо киириитин кэтээн кѳрѳргѳ сорудахтанна. Тоҕо диэтэххэ, боломуочуйалары сиэрэ суох биэрии түбэлтэлэрэ тахсыахтарын сѳп.
-
0
-
0
-
0
-
0
-
0
-
0
