Дьокуускайга 245 куойкалаах өрөспүүбүлүкэтээҕи инфекционнай балыыһа Федерация Сэбиэтин 2022 с. ахсынньы 23 күнүгэр таһаарбыт «Саха Өрөспүүбүлүкэтин социальнай-экэнэмиичэскэй сайдыытын судаарыстыбаннай өйөбүлүн туһунан» ыйааҕын олоххо киллэрии чэрчитинэн тутуллар. Бырайыак-симиэтэ докумуоннара 2022 с. бигэргэммитэ, куорат 150-с кыбаарталыгар 46,4 тыһ кв м иэннэээх сир учаастага быһыллыбыта. Онон тутууну 2025 с. бүддьүөтүн бырайыагар киллэрэр үлэ ыытылларын туһунан Алексей Еремеев иһитиннэрдэ.
Николай Журавлев уонна Инна Святенко эбийиэги федеральнай бырагыраамаҕа киллэртэрэргэ көмөлөһөргө бэлэмнэрин туһунан эттилэр. Оробуочай көрсүһүү түмүгүнэн, Алексей Еремеев Саха сирэ Федерация Сэбиэтин уонна РФ Бырабыыталыстыбатын кытары холбоһуктаах быһаарыыны ылынара наадатын бэлиэтээтэ диэн Ил Түмэн пресс-сулууспата иһитиннэрэр.
-
0
-
0
-
0
-
0
-
0
-
0
