«Национальнай рейтинг» экспертэрин сыанабылларынан 2021 сыл СӨ Ил Дархана Айсен Николаевка уонна кини салайар эрэгийиэнигэр, кэккэ биричиинэлэринэн, уруккутааҕар быдан ыараханнык ааспыта бэлиэтэннэ. Ол эрэн, Российскай Федерация улахан субъегын баһылыгын аптарытыата уонна «имиджевай» саппааһа баар буолан дьоһуннаах көрдөрүүлэннэ.
Санаттахха, салайааччы дойду үрдүнэн «10 Бастыҥ Арассыыйа лидердэрэ» бөлөххө киирэрэ. «Биир Ньыгыл Арассыыйа» быыбарын намыһах көрдөрүүтүнэн, кини бу испииһэктэн тахса сылдьыбыта. Ол гынан баран, бары хайысхаларынан, ол иһигэр 2021 сыл бүтэһик ыйдарыгар эмиэ ситиһиилээх үлэлэрин көрдөрөн, экспертэр Айсен Николаевы сыл түмүгүнэн хаттаан испииһэккэ киллэрдилэр.
Холобур, Айсен Николаев IT-хайысхаҕа улахан болҕомтону уурар. Бу кыһамньылары федеральнай киин болҕомтото суох хаалларбата, ол туһунан сэтинньи ыйга РФ Бэрэсидьиэнин Уһук Илиҥҥи уокурук боломуочуйалаах бэрэстэбиитэлэ Юрий Трутнев бигэргэттэ. Уһук Илин уокурук үрдүнэн Саха сиригэр аан бастакынан Саха сиригэр креативнай кластер тутуута саас түмүктэниэҕэ. Бу сыалга Саха сиригэр федеральнай бүддьүөттэн 413 мөл. солк. түһүөҕэ.
Өрөспүүбүлүкэҕэ COVID-19 ыарыытын тарҕаныыта аҕыйааһына бэлиэтэнэр, ол түмүгэр ыарыыны утары хааччахтар сымнатыллыбыттара уонна мантан күүстээх хааччахтар туһаныллыбатахтара.
Айсен Николаев салалтатынан Саха сирэ бырамыысыланнас хайысхатыгар үрдүк көрдөрүүлэрин түмүгүнэн лидердэр ахсааныгар киирдэ. Аналитиктар сыанабылларынан, бу көрдөрүү сыл түмүгүнэн ааспыт сылтан 18% үрдүөҕэ.
Саха сиригэр сиртэн хостонор баай түһээнэ тэтимнээхтик сайдар. Ааспыт сылга көмүһү, чоҕу уонна неби хостооһуҥҥа муҥутуур көрдөрүүлэр туруорулуннулар. Гаас бырайыага өрөспүүбүлүкэҕэ стратегическай суолталаах, ити барыта инвестициялары тардар уонна күн бүгүн тыһыынчанан саҥа үлэ миэстэтин таһаарар.
Маны таһынан Айсен Николаев экология кыһалҕаларыгар уһулуччу болҕомтотун уурар. Аҕа баһылык парниковай гаас таһымын хонтуруоллуур, быраҕыллыбыт гааһы суох оҥорор технологияларынан ураты карбон полигонун оҥорууну көҕүлүүр. Саха сиригэр экологическэй технологиялары олоххо киллэриигэ - лидер, чуолаан, туһаныллыбыт матырыйаалы хаттаан туһаныы технологияларын биирдэстэрэ буолар.
Экспертэр бары Айсен Николаев улахан ситиһиитинэн Өлүөнэ муостатын баараҕай бырайыагын олоххо киллэриитин ахталлар. Тырааныспар ситимин тупсарыы хайысхатыгар баһылык үлэтэ манан бүппэт - БАМ учаастагын саҥардыыта буолар.
Сыл устата 12 тыһ. тахса эргэ уонна хаарбах дьиэлэртэн көһөрүү бырагыраама түмүктэрэ ааҕылыннылар. Аартыка зонатыгар элбэх кыбартыыралаах дьиэлэри тутуу үлэтэ салҕанар. Өрөспүүбүлүкэ бүддьүөтэ социальнай хайысхалаах. Саха сиригэр «Үйэ оҕолоро» бырайыак чэрчитинэн 2022 сылга хас биирдии күн сирин көрбүт оҕоҕо өрөспүүбүлүкэ бүддьүөтүттэн 100 тыһ. солк.төлөбүрдэр анаммыттара аналитиктар ураты болҕомтолоругар ылылынна.
Маны барытын учуоттаан туран, сыл түмүгүнэн экспертэр «Национальнай рейтиҥҥэ» СӨ Баһылыгын Айсен Николаевы 10-с Бочуоттаах миэстэҕэ туруордулар.
-
0
-
0
-
0
-
0
-
0
-
0
