Бүлүү куорат экологияҕа бастыҥ үлэлээҕинэн ааттанна
Издательский дом Редакция Подписка
Погода в Якутске: . 25 oC

Ааспыт 2021 сылы Бүлүү куорат дьаһалтата Экология сылынан биллэрэн, киэҥ өрүттээх үлэни ыыппыта.

Ааспыт 2021 сылы Бүлүү куорат дьаһалтата Экология сылынан биллэрэн, киэҥ өрүттээх үлэни ыыппыта.

Ааспыт нэдиэлэҕэ Бүлүү куорат дьаһалтатын баһылыга Ньургустаан Афанасьев айылҕа харыстабылын улуустааҕы иниспиэксийэтигэр сылдьан, кэлэктииби кытары көрүстэ, Экология сылынан куоракка туох үлэ ыытыллыбыт туһунан кэпсээтэ:

– Куорат дьаһалтата айылҕа харыстабылын улуустааҕы иниспиэксийэтин кытары Бүлүү куоратын экологиятын, инфраструктуратын тупсарыыга аналлаах үлэлэри ситимнээхтик ыыттыбыт итиэннэ өрөспүүбүлүкэ уонна федеральнай таһымнаах куонкурустарга үлэлэстибит. Ол түмүгэр куоракка Н.С. Таппагаров аатынан “ЭкоАгроПарк” арылынна, Д.Г. Макаров аатынан “Бүлүү күөх курдааһына” экологическай пуонда салайааччыта Прасковья Макарова көмөтүнэн “ДендроПарк” арылынна, Оруктаах күөлүгэр иккис сайынын дьон сөтүөлүүрүгэр табыгастаах экологическай пляш тэриллэн үлэлээтэ. Бүлүү өрүс кытылын ыраастыыр, харыстыыр аахсыйаларга нэһилиэнньэ көхтөөхтүк кыттарын хааччыйдыбыт. Ыччат министиэристибэтин куонкуруһугар кыттан ылбыт граммытыгар устудьуоннар уонна оскуола үрдүкү кылааһын оҕолорун этэрээттэринэн куорат иһин ыраастаттыбыт. Туора күөл кэтэҕинэн уонна Эмньик оройуоннарынан уонунан сылларга мунньуллубут бөҕү ыраастаан, улахан тимирдэри, 800 массыына кузовын хомуттардыбыт, урукку ММС пилораматын, тутуу матырыйаалларын ыраастаттабыт. Куоракка урукку өттүгэр олордуллубатах сэдэх отонноох мастар олордулуннулар. Дьон култуурунайдык сынньанарыгар анаан икки сиргэ спортивнай тренажердар туруорулуннулар, оҕолорго хоккей былаһаакката оҥоһулунна. Үс уулуссаҕа уот тардылынна, бу барыта дьон-сэргэ сынньалаҥнык сылдьарыгар, чэгиэн буолалларыгар туһуланнылар.

Айылҕа харыстабылын улуустааҕы иниспиэксийэтин салайааччы Алексей Евсеев куорат дьаһалтата экологияҕа сыһыаннаах үлэҕэ ураты болҕомтолоохтук сыһыаннаһарын чорботон бэлиэтээн туран, муниципальнай тэриллиилэр сыллааҕы үлэлэрин түмүгүнэн, Ньургустаан Афанасьевка Бүлүү куорат экологияҕа бастыҥ көрдөрүүлээх муниципальнай тэриллии буолбутун туоһулуур бэлиэни, харчынан сэртипикээти туттарда. Бу туһунан Бүлүүтээҕи айылҕа харыстабылын иниспиэксийэтэ иһитиннэрэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости