Эксээмэннэр эридьиэстэрэ
Издательский дом Редакция Подписка
Погода в Якутске: . 22 oC

СӨ Үөрэххэ уонна наукаҕа министиэристибэтэ түмүктүүр эксээмэннэр хайдах быһыылаахтык ыытыллалларын иһитиннэрдэ.

СӨ Үөрэххэ уонна наукаҕа министиэристибэтэ түмүктүүр эксээмэннэр хайдах быһыылаахтык ыытыллалларын иһитиннэрдэ.

Ыам ыйын 26 күнүгэр ЕГЭ сүрүн түһүмэҕэ саҕаланыа, оттон тохсус кылааһы бүтэрээччилэр номнуо ыам ыйын 19 күнүттэн ОГЭ туттаран эрэллэр.
Быйылгы дьыл уларыыйаларын, тэрээһин түгэннэрин үөрэх миниистирэ Ирина Любимова уонна үөрэх хаачыстыбатын мониторинныыр киин дириэктэрэ Надежда Попова кэпсээтилэр.

Эксээмэннэри туттарыы ыстаат быһыытынан баран иһэр. Тохсус кылаастарга түмүктүүр судаарыстыбаннай аттестациялар бэс ыйын 9 күнүгэр диэри буолуохтара. IX кылааһы бүтэрээччилэргэ от ыйын 2 күнүгэр диэри.

Миниистир Ирина Любимова иһитиннэрбитинэн, быйыл, дьэ, ковид иннинээҕи халыыпка киирэн, туох да хааччаҕа суох туттараллар. Мааска эрэ кэтиитэ ирдиэниэ.
Тохсус кылааһы бүтэрээччилэргэ сүрүн уларыйыы, хонтуруоллуур-мээрэйдиир матырыйаалларын (КИМ) аудитория иһигэр бэчээттэн таһаарыахтара уонна оҕолорго тарҕатыахтара.
«Сүрүн судаарыстыбаннай эксээмэни саҥа быраабыланан ыытабыт: хонтуруоллуур-мээрэйдиир матырыйааллар Интернет нөҥүө кэлээттэрин кытта, аудиторияҕа тутатына бэчээттиэхпит– бу эксээмэн аһаҕаһын уонна дьэҥкэтин бэлиэтэ. Быйылгыттан ковид хааччахтара аҕыйаата, ол курдук саахыматтыы олордуу ирдэммэт, социальнай дистанцияны тутуспаппыт.
Эксээмэни тутар пууннар үлэһиттэрэ бэлэмнэниини аастылар. Маныаха сыл ахсын кинилэри үөрэтэбит, араас сэминээрдэри ыытабыт. Тэрийэр үлэлэр түмүктэннилэр, эппиэтинэстээх кэмҥэ киирдибит», — диэн эттэ.
Үөрэх хаачыстыбатын мониторинныыр киин дириэктэрэ Надежда Попова Саха Сиригэр эксээмэннэри тэрийиигэ улахан үлэ барбытын кэпсээтэ. Кини санаппытытынан, судаарыстыбаннай түмүктүүр эксээмэннэр үс кэмҥэ арахсаллар: болдьох иннинээҕи, сүрүн уонна эбии.
«Болдьох иннинээҕи эксээмэн туттарыыны түмүктээтибит, ханна даҕаны кэһии тахсыбата. Тохсус кылааһы бүтэрээччилэргэ эксээмэннэрэ ыам ыйын 19 күнүгэр саҕаламмыта, ыам ыйын 26 күнүгэр ОГЭ туттарыытын сүрүн болдьоҕо саҕаланыа. РФ Үөрэххэ министиэристибэтэ уонна Рособрандзор уопсастыбаны билиигэ, математикаҕа уонна нуучча тылыгар сүрүн судаарыстыбаннай эксээмэни туттарыы, элбэх оҕону хабарынан, икки күн хайдах ыытыллыахтааҕын бигэргэттилэр», — диэн эттэ.
Оттон ЕГЭ туттарыыга улахан уларыйыы суох, арай быйылгы эксээмэни икки сыллааҕыта судаарыстыбаннай эксээмэни туттарбатах оҕолор туттарыахтара. Санатан эттэххэ, 2020 сыллаахха бу тургутугу пандемиянан сибээстээн тохтоппуттара. Маны тэҥэ, быйылгы выпускниктар үөрэниини үөрэх саҥа федеральнай судаарыстыбаннай стандартарынан аастылар.
Саха Сирин үрдүнэн ЕГЭ туттарыыга 8498 киһи туттарар, олортон 7901 — быйылгы выпускниктар. Өрөспүүбүлүкэ үрдүнэн 231 эксээмэн тутар пуун олохтонно, олортон 11 ураты усулуобуйалаахтар: 3 -- көннөрөр холуонньаларга, 8 -- дьиэлэринэн.
Уопсайа 1026 аудиторияҕа эксээмэн ыытыллыа.
Онлайн видео-кэтээһин 665 аудиторияҕа тэриллиэ, 361 аудиторияҕа - оффлайн видео-кэтээһин.
ЕГЭ ыытыытын бэлэмнэнии үлэлэрин чэрчитинэн Арассыыйа таһымнаах, 4 эрэгийиэннээҕи дьарыктаныы тэрээһиннэрэ ыытылыннылар. Эксээмэннэри тутар пууннар (ППЭ) үлэһиттэрэ тест оҥорор киин федеральнай платформатыгар онлайн үөрэх аастылар. Уопсастыбаннай кэтээччилэр эрэгийиэн иһинэн 1036 буолан үөрэннилэр уонна аккредитация ыллылар.
Быйыл сорох эксээмэннэри туттарыыга бириэмэтигэр уларыйыылар киирдилэр. Холобур, уопсастыба билиитигэр уонна историяҕа бириэмэтэ кыччаата, оттон омук тылларыгар (кытай тылыттан ураты) төттөрүтүн уһаан биэрдэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Лента новостей

Долган ырыаларыгар уһуйан

"Муусука -- барыбытыгар" диэн бырайыак үгүс элбэх үтүө дьону, саҥа ааттары таһаарда,…
03.07.22 16:29
Лента новостей

Сир аһын хаһан хомуйабыт?

Бэйэ туһатыгар (сииргэ, атыылыырга, бэлэхтииргэ, о.д.а.) сир аһын хомуйар бигэргэммит…
03.07.22 14:13