Издательский дом Редакция Подписка
Погода в Якутске: . -21 oC

 Кэбээйи улууһун Мастаах нэһилиэгиттэн төрүттээх эр бэрдэ, СӨ спордун маастара, кынаттаах кылыыһыт, үҥкүүһүт бэрдэ Алексей Уваровскай быйылгы “Дыгын оонньуулара-2022” күрэхтэһии сэттэ түһүмэҕэр бэркэ кыттан, муҥутуур кыайыылаах буолла уонна тута интервью биэрдэ.

 Кэбээйи улууһун Мастаах нэһилиэгиттэн төрүттээх эр бэрдэ, СӨ спордун маастара, кынаттаах кылыыһыт, үҥкүүһүт бэрдэ Алексей Уваровскай быйылгы “Дыгын оонньуулара-2022” күрэхтэһии сэттэ түһүмэҕэр бэркэ кыттан, муҥутуур кыайыылаах буолла уонна тута интервью биэрдэ.

8bc94f97 2842 4b14 a049 f81b479bf2c2

--Мин Дыгын оонньууларыгар сүүмэрдиир сезон саҕаланаатын кытта, дойдубар Мастаахха тиийэн, төрөөбүт алааспар, айылҕаҕа, чугас дьонум таһыгар сылдьан, убайбар, атах оонньууларыгар СӨ спордун маастара, дэгиттэр спортсмен, Дыгын оонньууларын кыттыылааҕа Николай Николаевич Ивановка дьарыктаммытым. Онтон кэлэн, өрөспүүбүлүкэҕэ эрэллээхтик киирсэн, Дыгыҥҥа путевка ылаат, төттөрү дойдубар баран, бултаан-алтаан, айылҕаттан күүс-сэниэ ылан, бу кытынным.

Уопсайынан, барыта буолуохтааҕын курдук ааста. Ол эрээри кыайыы хаһан да чэпчэкитик кэлбэт, сыралаһан ситистим.  Кыайыыбын тренербэр, убайбар Николай Николаевич Ивановка аныыбын. Кини өрүү бэйэбэр эрэлбин күүһүрдэр: “Шанс баар, кыайыахпыт”, -- диэн. Ол иһин махталым муҥура суох.

Күрэстэһээччилэрим бары да үчүгэй бэлэмнээхтэр. Кытаанах сүүмэрдээһини ааспыт дьон буоллахтара дии. Бэйэм көлүөнэм уолаттарыттан чуолаан Слава Дьяконовы, Айсен Ботуевы бэлиэтиибин. Итиэннэ Дыгын оонньууларын сулустара, убайдарбыт Артем Варданян, Дьулус Ноговицын, Николай Матаннанов  бааллара күрэхтэһии таһымын өссө үрдэтэр. Кинилэри кытта киирсэн  улааттаҕым дии.

-Көрөөччүлэр болҕомтолорун ыларга, кинилэрдиин ситими олохтуурга саамай көхтөөх кыттааччы буолаҕын. Өрө биэрэн ыстанан, ыһыытаан-хаһыытан, сальтолаан...

-Ити барыта мин иитиллиибиттэн, дьиэ кэргэммиттэн. Аҕам култуура үөрэхтээх, үҥкүүһүт, Муоматтан төрүттээх.  Ийэм история учуутала, педагог-библиотекарь. Төрөппүттэрим кыра эрдэхпиттэн: “Тугу сатыыргын көрдөр”, -- дииллэрэ. Хоһоон ааҕан, үҥкүүлээн, ыллаан... Ону барытын видеоҕа усталлара. Ол иһин дьон иннигэр тахсарбыттан, публикаҕа оонньуурбуттан, камераҕа уһулларбыттан кыбыстыбаппын, хайдах баарбынан аһаҕастык сылдьабын. Төттөрүтүн көрөөччүлэр хаһыытаатахтарына, күүс ылабын.

Бу кыайыым баҕа санаа күүһүнэн ситиһилиннэ. Бэйэбэр эрэнэрим уонна итэҕэйэрим. Тугу барытын умнан туран дьарыктаммытым. Элбэх киһи көмөлөстө: ийэм, аҕам, эдьиийим, доҕотторум. Барыбыт кыайыыбыт буолар. Билигин 23 саастаахпын. Уолаттар 30 саастарыгар  диэри таһыччы таһымҥа күрэхтэһэ сылдьалларын көрөбүт. Кинилэр курдук, эмиэ маастарыстыбабын үрдэтэн, өссө да күрэстэһиэм. Бу ситиһиим мотивация буолар, өссө күүскэ эрчиллиэм. Билиҥҥитэ ыал буолар эҥин туһунан санаабаппын. Кыыһым суох, холостуойбун, өйбүн-санаабын, күүспүн-уохпун спорка уурабын. 

  • 10
  • 4
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Аартыка күнүнэн!

Бүгүн, кулун тутар 19 күнүгэр, Саха Өрөспүүбүлүкэтигэр Аартыка күнэ. Ил Түмэн аатыттан…
19.03.24 11:57