Ил Түмэн дьокутаата Валерий Лютый, Афганистан сэриитин ааспыт буолан, ийэ дойдуга бэриниилээх буолууга, төрөөбүт сиргэ харыстабыллаах уонна махталлаах сыһыаны олохтуурга туһуламмыт үлэни күүскэ ыытар. Кини 2014 сылтан бэттэх ОНФ диэн кылгатыллан этиллэр норуот уопсастыбаннай фронун Саха Сиринээҕи салаатын салайар.
ОНФ бэрэсидьиэн ыйааҕа уонна уурааҕа төһө толорулларын хонтуруоллуур, коррупцияны утары охсуһар, бүддьүөт үбүн сөптөөхтүк туһанары кэтиир-маныыр, дьон олоҕун таһыма үрдэтэр тэрээһиннэргэ кыттыһар, уопсастыбыннай үлэни көҕүлүүр.
Уопсайынан, Саха Өрөспүүбүлүкэтэ араас хабааннаах дьаһаллары бэркэ толорон иһэринэн биһирэнэр эрэгийиэн буолар. Холобура, ыраата барбакка, бу соторутааҕыта Кыайыы диктанын суруйууга Уһук Илиҥҥэ бастакы миэстэни ылбыппыт.
Маныаха ОНФ курдук түмсүүлэр көҕүлүүр күүс буолаллара саарбаҕа суох. Араас ыксаллаах быһыыга-майгыга да (ууга барыы, ойуур баһаардара. о.д.а.) ОНФ бастакынан бачыым таһааран, дьону-сэргэни түмэ тардар. Украинаҕа да буола турар байыаннай дьайыыларга көмөтө баһаам.
Ол барыта салайааччы сатабылыттан, сүктэриллибит эбээһинэһигэр эппиэтинэстээхтик сыһыаннаһарыттан быһаччы тутулуктаах. Ол иһин Валерий Лютайга РФ бэрэсидьиэнэ Владимир Путин анал уурааҕынан махталын биллэрдэ.
РАСПОРЯЖЕНИЕ ПРЕЗИДЕНТА РОССИЙСКОЙ ФЕДЕРАЦИИ
О поощрении
За активное участие в подготовке и проведении общественно значимых мероприятий
объявить благодарность президента Российской Федерации
ЛЮТОМУ Валерию Алексеевичу – руководителю регионального исполкома Общероссийского общественного движения «НАРОДНЫЙ ФРОНТ «ЗА РОССИЮ» в Республике Саха (Якутия).
Президент Российской Федерации В.Путин9 сентября 2022 года
№ 281-рп
Ил Түмэн дьокутаата улахан наҕараадатынан эҕэрдэлиибит, киэн туттабыт!
-
1
-
0
-
0
-
0
-
0
-
0
