Учууталлар сийиэстэрэ буолар
Издательский дом Редакция Подписка
Погода в Якутске: . -40 oC

Алтынньы 4-7 күннэригэр учууталлар уонна педагогическай уопсастыбаннас  «Открытое образование – пространство возможностей» диэн  XIV сийиэскэ түмсүөхтэрэ. Барыллаан 500 дэлэгээт уонна ыалдьыт кыттара былааннанар.

Алтынньы 4-7 күннэригэр учууталлар уонна педагогическай уопсастыбаннас  «Открытое образование – пространство возможностей» диэн  XIV сийиэскэ түмсүөхтэрэ. Барыллаан 500 дэлэгээт уонна ыалдьыт кыттара былааннанар.

Ил Дархан Анал этиитигэр үөрэҕирии эйгэтин саҥа кэм ирдэбилинэн сайыннарар сонун тосхоллору толкуйдуурга уонна ылыллыбыт быһаарыылар көдьүүстээх буолалларыгар туһаайбыта.

Стратегическай сиэссийэлэр, сийиэс пленарнай мунньаҕын түмүктэринэн  2030 сылга диэри үөрэҕирии систиэмэтин сайыннарыыга туһуламмыт Стратегия олоххо киирэригэр былаан бигэргэниэ.

Сийиэс чэрчитинэн педагогическай үлэһиттэри чиэстиэхтэрэ, былаас араас араҥатын кытары, М.К. Аммосов аатынан ХИФУ  үлэһиттэриниин дэлэгээттэр көрсүөхтэрэ. Маны тэҥэ кинигэлэр презентациялара буолуоҕа. Ол курдук, Саха АССР төрүттэммитэ 100 уонна Саха АССР Просвещениетын норуодунай комиссариата тэриллибитэ 100 сылларынан «Образование – важнейший фактор развития Республики Саха (Якутия)» кинигэни, Педагогическай энциклопедия алтыс туомун “сүрэхтиэхтэрэ”, ааҕааччыларга билиһиннэриэхтэрэ.

Алтынньы 4-6 күннэригэр «Моя Россия» историческай пааркаҕа «Образование – открытое в будущее» быыстапка туруоҕа. Манна Саха Сирин үөрэҕириитин ситиһиилэрин кэпсиир, сайдыыга хайысхаларын сэһэргиир матырыйааллары кэлэн көрүөххүтүн сөп.

Санатан эттэххэ, 1925 сыл от ыйыгар Саха Сирин уобалаһыгар Учууталлар маҥнайгы сийиэстэрэ тэриллибитэ. Оттон бу иннинээҕи XIII Сийиэс 2015 сыллаахха ыытыллыбыта. Онон 7 сыл буолан баран, үөрэх эйгэтин үлэһиттэрэ түмсүөхтэрэ.

Манна даҕатан эттэххэ, алтынньы 6 күнүгэр СӨ Ил Дарханын иһинэн Төрөппүт сэбиэтин бастакы мунньаҕа буолар. Бу сугулаан өрөспүүбүлүкэ үрдүнэн ыытыллар Педагогическай декада биир сүрүн тэрээһинэ буолуоҕа. 23 киһилээх Сэбиэт бу сайын тэриллибитэ. Састаабыгар оскуолалар төрөппүттэрин кэмитиэттэрин уонна уопсастыбаннай тэрилтэлэр бэрэстэбиитэллэрэ киирдилэр. Сүрүн сыала – оҕону иитиигэ баар кыһалҕалары быһаарыы, соруктары ситиһиигэ табыгастаах ньымалары тобулааһын.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости