“Өксөкүлээх Өлөксөйү арыйыаҕыҥ” электроннай кинигэни сэргээҥ
Издательский дом Редакция Подписка
Погода в Якутске: . 24 oC

"...Аныгы толкуйунан

Тобулан таһаарар,

Үлэтин туһатын

Үллэстэр баҕалаах,

Билиини хомуйан ситимниир

Дьоһун Дьохсоҕон ыччата"

(Людмилаҕа анабылтан)

"...Аныгы толкуйунан

Тобулан таһаарар,

Үлэтин туһатын

Үллэстэр баҕалаах,

Билиини хомуйан ситимниир

Дьоһун Дьохсоҕон ыччата"

(Людмилаҕа анабылтан)

Киэн туттар биир дойдулаахпыт, саха уус-уран литературатын төрүттээччи, саха норуотун фольклорун, тылын, историятын, культуратын чинчийээччи, сырдатааччы, киэҥ-дириҥ көрүүлээх философ, общественнай деятель А.Е. Кулаковскай-Өксөкүлээх Өлөксөй төрөөбүтэ 145 сылынан Өксөкүлээх Өлөксөйү арыйыаҕыҥ диэн саҥа мультимедийнай кинигэ таҕыста.

1eeb2601 2899 4489 85d1 30008cf34f10

Бу кинигэни Таатта Дьохсоҕонуттан төрүттээх, Дьокуускайга республикатааҕы юношескай библиотекатыгар кылаабынай библиограбынан 30-тан тахса сыл үлэлээн, бочуоттаах сынньалаҥҥа олорор, ССРС культуратын туйгуна Людмила Ивановна Хабытина бэлэмнээн оҥордо.

a0ba04bc 9857 4c95 803c 57584ceb98c4

Кинигэ Өксөкүлээх Өлөксөй олоҕун, айар үлэтин үөрэтэр дьоҥҥо аналлаах, оннук сыаллаах-соруктаах. Өксөкүлээх Өлөксөй биографиятын билэргэ бэчээккэ тахсыбыт 20 ыстатыйаны, айар үлэтин туһунан 47 ыстатыйаны, ырытыылары ааҕыаххытын сөп.

"Хоһоонноро" блокка 48 сахалыы хоһоонун, алгыстарын ааҕыҥ. Маны тэҥэ поэмалара, таабырыннара, өс хоһоонноро, научнай үлэлэрэ тус-туспа блоктарга түмүллүбүттэр. "Иһирэх тыллар" диэн блокка Өксөкүлээх Өлөксөй үлэтин туһунан суруйааччылар​ этиилэрэ киирбиттэр.

Электроннай кинигэ 669 мегабайт иэннээх: 5310 файллаах, 325 паапкалаах, 25 блоктаах, 223 сахалыы, нууччалыы слайдалардаах, 73 араас көтөрдөр, кыыллар саҥалара бааллар, 2 радиокомпозициялаах. Кинигэ учууталларга көмө матырыйаалларынан уонна слайдаларынан түмүктэнэр.

"Өркөн өй кэхтибэт быйаҥын үйэҕэ түмэҥҥин, мунньаҥҥын, банаардаах уотунан сырдыыгын" диэн тыллар Людмила Ивановнаҕа анаммыт курдуктар. Кини граннары ылары ситиһэн оҥорбут электроннай мультимедийнай таһаарыылара элбээтилэр: "Ааҕыый миэхэ", "Сыспай сиэллээхтэр эйгэлэрэ", "Олоҥхо абылаҥа", "Саха оператын легендалара", "Тыыннаахтар умнубат сыллара (“Сиэллээх нэһилиэгэ)", “Саха араадьыйатын Сэһэн Дархана", "Народнай поэт Эллэй", "Айыы киһитэ Алампа барахсан!"

8140eb1c 67ce 455e b4ac 8b61f9ab0a2f

Дьаныардаах үлэтинэн "Печатный двор Якутии" регионнар икки ардыларынааҕы быыстапка-ярмаркаҕа "Электронные издания" номинация кыайыылааҕа буолбута.

Өксөкүлээх Өлөксөй үбүлүөйдээх сылынан кини олоҕун, үлэтин арыйар дириҥ ис хоһоонноох, элбэх үөрэтэр методическай матырыйааллардаах саҥа тахсыбыт электроннай кинигэни сэҥээриҥ, үлэҕэ, үөрэххэ туһаныҥ!

"Биһи норуоппут дьылҕатыгар куттал үөскээтэҕинэ, урут даҕаны, билигин даҕаны Кини наада буолааччы... Кулаковскайдаах буоламмыт, дөксө улахан норуот курдук көстөр эбиппит", - диэн профессор, философ учуонай А.Е. Мординов суруйбутун умнумаҥ.

Людмила Ивановнаҕа маннык элбэх уонна олус туһалаах баай матырыйааллары сыралаһан хомуйан, наардаан, түргэнник булан туһанарга анаан оҥорбут саҥа олох кэрэһиттэрин - электроннай кинигэлэрин -- туһаммыт ааҕааччылар, учууталлар, студеннар элбэхтик махтаммыт буолуохтаахтар. Өссө да сонун үлэлэри таһаарыаҕа диэн эрэлбитин, махталбытын, тапталбытын биллэрэбит!

Ытыктабыллаах Людмила Ивановнаҕа "Куорсун" айар түмсүүттэн Россия Библиотекаларын күнүнэн истиҥ эҕэрдэлиибит. Баҕарабыт айымньылаах үлэҕэр өссө үрдүк ситиһиилэри, доруобуйаны, дьолу-соргуну.

Галина Другина,

М.А.Петров аатынан библиотека.

Дьохсоҕон, Таатта.

 27.05.2022с.

  • 3
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Общество

Кыһыл тылгынан кыайбаккын

Саха кэнгириэһин бырабылыанньатын чилиэнэ Дьулустаан Осипов Кэнгириэскэ ыччаты тардыы, Ил…
29.06.22 20:12
Уопсастыба

Чахчы, Айыы аһа!

Быйыл 25-с төгүлүн ыһыллыбыт Туймаада ыһыаҕа Саха Өрөспүүбүлүкэтин 100, Дьокуускай куорат…
29.06.22 19:26