Уолаттарга тоҥ ас, таҥас-сап хомулунна , 39 анабыл баһыылка аймахтартан киирдэ. Уопсайа 2 туоннаттан тахса ыйааһыннаах гуманитарнай көмө бэлэмнэннэ.
Сүрүн күүһү улууспут уһуйааннарын уонна оскуолаларын кэллэктииптэрэ оҥордулар. Маны сэргэ Ытык Күөл тэрилтэлэрин үлэһиттэрэ балык ыһаарылыырга, барыанньа кутарга, хомуллубут аһы үллэриигэ, хаалааһыҥҥа көмөлөстүлэр.
Нэһилиэктэр баһылыктара уонна үөрэх управлениетын профкома ыкса ылсан үлэлэспиттэрэ көстөр.
Дэлэгээссийэ барыыта бу ый 20 күнүн диэки былааннанар.
Сонун төрдө уонна хаартыска: "Таатта" хаһыат, Туяра ОРЛОВА, улуус дьаһалтатын анал байыаннай дьайыыга специалиһа.
-
0
-
0
-
0
-
0
-
0
-
0
