1993 сыл ахсынньытыгар Арассыыйа Федерациятын Бэрэсидьиэнин «Арассыыйа Федерациятын Судаарыстыбаннай былааҕын туһунан» Ыйааҕа тахсыбыта, оттон 1994 сыл атырдьах ыйыгар бырааһынньык күнэ олохтоммута. 2000 сыл ахсынньытыгар Арассыыйа Бэрэсидьиэнэ В.В. Путин «Арассыыйа Федерациятын Судаарыстыбаннай былааҕын туһунан» федеральнай конституционнай сокуоҥҥа илии баттаабыта. Онно былаах өҥнөрүн бэрээдэгэ, таҥас кээмэйэ уонна туһаныы быраабылалара чопчуламмыттара.
Үс өҥнөөх былаах устуоруйата Улуу Петр I эпохатыгар тиийэр, кини 1705 сыллаахха Арассыыйа аалларыгар маҥан-күөх-кыһыл дьүһүннээх таҥаһы туттарга сорудахтаабыта. Кэлин бу бэлиэ биһиги судаарыстыбабыт күүһүн, тутулуга суох буолуутун уонна чиэһин көрдөрөр, устуоруйа араас кэрдиис кэмнэригэр норуот түмсүүлээҕин бэлиэтиир буолбута.
Арассыыйа былааҕын өҥнөрө үгэс курдук үрдүк сиэр-майгы сыаннастарын быһыытынан тойонноноллор:
маҥан – ыраас буолуу уонна кырдьыктаах дьыала;
күөх – бэриниилээх буолуу, чиэс уонна духуобунас;
кыһыл – хорсун быһыы, күүс уонна Ийэ дойдуга сулууспалыырга бэлэм буолуу.
Билигин Судаарыстыбаннай былаах Улуу Ийэ дойдубут сайдарын-үүнэрин туһугар мөлүйүөнүнэн Арассыыйа кыраасданнарын сомоҕолуур. Былаах былаас уорганнарын уонна дипломатическай бэрэстэбиитэлистибэлэр, успуорт арыаналарын уонна оскуолалар үрдүлэринэн киэн туттуулаахтык тэлимниир, төрөөбүт дойдуга таптал, ааспыты ытыктааһын уонна кэскилгэ эрэл биһиги норуоппут халбаҥнаабат сыаннастарынан буолалларын санатар.
-
0
-
0
-
0
-
0
-
0
-
0
