Иннокентий Иннокентьевич Аммосов, Уус Алдан улууһун дьокутааттарын сэбиэтин бэрэссэдээтэлэ:
Күндү Сахам Сирин олохтооро!
Эһигини Арассыыйа Федерациятын Судаарыстыбаннай былааҕын күнүнэн эҕэрдэлиибин!
1991 сыл атырдьах ыйын 22 күнэ – Арассыыйа устуоруйатыгар бэлиэ күн. Үйэ чиэппэрэ анараа өттүгэр Арассыыйа Федерациятын маҥан-күөх-кыһыл былааҕа официальнайдык бигэргэтиллибитэ. Бу биһиги дойдубут сайдыытыгар улахан уларыйыылары кэрэһилээбитэ.Ол бэлиэ күнтэн номнуо 35 сыл ааста.
Арассыыйа үс өҥнөөх былааҕа – нассынаалынай суолталаах бэлиэлэртэн биирдэстэрэ. Кини Улуу Арассыыйаны көрдөрөр, норуоппутун сомоҕолуур уонна үлэнэн хорсун быһыыларга кынаттыыр, инникигэ эрэлбитин бөҕөргөтөр.
Дойду олоҕор суолталаах бары түгэннэр судаарыстыбаннай былаах көтөҕүллүүтүнэн бэлиэтэнэллэр. Арассыыйа былааҕын аан дойдуга билэллэр. Кини саамай үрдүк хайалар чыпчаалларыгар тэлимниир, Ийэ дойдуну көмүскээччилэргэ, норуоттар икки ардыларынааҕы күрэхтэһиилэргэ кыттар Арассыыйа спортсменнарыгар күүһү-уоҕу биэрэр, патриотизмы уонна төрөөбүт дойдуга тапталы иитэр.
Биһиги Арассыыйа былааҕынан киэн туттабыт уонна устуоруйа өйдөбүнньүгүн ытыктыыбыт. Биһиги сорукпут – өбүгэлэрбит ситиһиилэригэр харыстабыллаахтык сыһыаннаһыы, Арассыыйа чэлгийэ сайдарын туһугар үлэлээһин уонна дойдубут интэриэһин мэлдьи көмүскээһин.
Күндү доҕоттор! Эһиэхэ эйэни уонна үтүөнү, үөрүүнү уонна дьолу, Ийэ дойду туһугар саҥа ситиһиилэри улуус дьокутааттарын аатыттан баҕарабыт!
-
0
-
0
-
0
-
0
-
0
-
0
