Ойуур –айылҕа маанылаах бэлэҕэ, тугунан да кэмнэммэт сыаналаах баайбыт-дуолбут. Саха Сирин ойуурун пуондатын уопсай иэнэ 250 мѳл. тахса гектарга тэҥнэhэр. Ойуур экологическэй систиэмэтин араҥаччылааhыҥҥа, ойууру чѳлүгэр түhэриигэ, баhаартан, буортулаах үѳнтэн, ыарыыттан, сокуоннайа суох кэрдииттэн харыстааhыҥҥа ойуур хаhаайыстыбатын үлэhиттэрэ улахан үлэни ыыталлар.
Балаҕан ыйын 15 күнүгэр ойуур үлэhиттэрин Күнүгэр анаммыт үѳрүүлээх тэрээhиҥҥэ ѳрѳспүүбүлүкэ ойуур хаhаайыстыбатын үлэhиттэрин хас да кѳлүѳнэ бэрэстэбиитэллэрэ муhуннулар. Ол туhунан СѲ экология министиэристибэтин пресс-сулууспата иhитиннэрэр.
СѲ Бырабыыталыстыбатын Бэрэссэдээтэлин солбуйааччыта Михаил Никифоров, Саха Сирин экологияҕа, айылҕаны туhаныыга уонна ойуур хаhаайыстыбатыгар миниистирэ Евгений Перфильев, Ил Түмэн сир сыhыаннаhыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ, СѲ норуодунай дьокутаата Сахамин Афанасьев бастыҥ үлэhиттэргэ «Ойуур Бочуоттаах үлэhитэ» бэлиэлэри уонна Бочуоттаах грамоталары туттардылар, Саха Сирин ойуур баайын харыстааhыҥҥа уонна элбэтиигэ кылааттарын иhин махтал тылларын эттилэр.
Хаартыска аhаҕас источниктан ылылынна.
-
0
-
0
-
0
-
0
-
0
-
0
