Уопсастыба

Куонкуруска 22 улуустан 300 үөрэнээччи кыттыбытыттан, финалга «Күннүгү» бары ирдэбили тутуһан толорбут 38 оҕо үлэтэ киирдэ. Түмүк оҕолору саастарынан итиэннэ олорор сирдэринэн зоналарынан арааран таһаарылынна.
Алын бөлөххө
Бастакы зонаҕа: «Күннүгү систиэмэлээхтик толоруу» номинацияҕа бэлиэтэннилэр Женя Егорова, Арсен Петров, Карина Игнатьева, «Айылҕа көстүүтүнэн күнү-дьылы билгэлээһин» номинацияҕа Айсан Федоров, «Дьиэтээҕи метеостанция» номинацияҕа Анжелика Бурнашева (Мэҥэ Хаҥалас улууһун Майа орто оскуолатын 4-с «б» кылааһын үөрэнээччилэрэ, салайааччы Е.Н. Чичахова).
Иккис зонаҕа: «Күннүгү систиэмэлээхтик толоруу» номинацияҕа Кирилл Сопляков, Валерия Байкова (Алдан улууһун Алын Кураанах гимназиятын 2-с кыл. үөрэнээччилэрэ, салайааччы А.Н. Арданова); Күннэй Васильева (Ньурба улууһун Малдьаҕар орто оскуолатын 3-с кыл. үөрэнээччитэ, салайааччы М.И. Николаева); «Кыыл-сүөл майгытынан күнү-дьылы билгэлээһин» номинацияҕа Денис Никитин, Владимир Град (Алын Кураанах гимназиятын 3-с кыл. үөрэнээччилэрэ, салайааччы В.Н. Паламарчук); «Үүнээйинэн күнү-дьылы билгэлээһин» номинацияҕа: Василина Рябова (Алын Кураанах гимназиятын 3-с кыл. үөрэнээччитэ, салайааччы В.Н. Паламарчук), Эмилия Навоян (Алын Кураанах гимназиятын 1-кы кыл. үөрэнээччитэ, салайааччы Г.Ш. Стасенко); «Айылҕа көстүүтүнэн күнү-дьылы билгэлээһин» номинацияҕа Аделина Навоян (Алын Кураанах гимназиятын 3-с кыл. үөрэнээччитэ, салайааччы В.Н. Паламарчук), Алена Пахомова (Үөһээ Бүлүү улууһун Тамалакаан орто оскуолатын 4-с кыл. үөрэнээччитэ, салайааччы М.И. Иванова); «Айылҕаны кэтээн көрүүгэ бэйэ оҥорбут прибордарын туһаныы» номинацияҕа Глеб Половников, Екатерина Семенова (Алын Кураанах гимназиятын 3-с кылааһын үөрэнээччилэрэ, салайааччы В.Н. Паламарчук).

Үһүс зонаҕа «Күннүгү систиэмэлээхтик толоруу» номинацияҕа Жанна Бандерова, Эльдар Батюшкин (Орто Халыма улууһун Ойуһардаах орто оскуолатын 4-с кыл. үөрэнээччилэрэ, салайааччы Е.Н. Винокурова); Роза Алексеева (Муома алын сүһүөх оскуолатын 3-с кыл. үөрэнээччитэ, салайааччы М.Г. Местникова).

Улахан бөлөххө
Бастакы зонаҕа «Күннүгү систиэмэлээхтик толоруу» номинацияҕа бэлиэтэннилэр: Аделина Атакова (Томпо улууһун Кириэс Халдьаайы орто оскуолатын 7-с кыл. үөрэнээччитэ, салайааччы А.Н. Сыромятникова), Кэскилээнэ Дмитриева (Таатта улууһун Чычымах орто оскуолатын 8-с кыл. үөрэнээччитэ, салайааччы Д.Е. Иванова); Ария Пестрякова (Дьокукскай куорат 31 №-дээх орто оскуолатын 5-с кыл. үөрэнээччитэ, салайаачы А.В. Солдатова); «Айылҕа көстүүтүнэн күнү-дьылы билгэлээһин» номинацияҕа Артем Ноговицын (Нам гимназиятын 7-с кыл. үөрэнээччитэ, салайааччы Л.В. Бочкарева); Вера Манакова (Хаҥалас улууһун Бэстээх орто оскуолатын 8-с кыл. үөрэнээччитэ, салайааччы С.Р. Колтовская); «Кыыл-сүөл майгытынан күнү-дьылы билгэлээһин» номинацияҕа Константин Максимов (Бэстээх орто оскуолатын 8-с кыл. үөрэнээччитэ, салайааччы С.Р. Колтовская); «Үүнээйинэн күнү-дьылы билгэлээһин» номинацияҕа Алиса Емельянова (Бэстээх орто оскуолатын 6-с кыл. үөрэнээччитэ, салайааччы С.Р. Колтовская); «Айылҕаны кэтээн көрүүгэ бэйэ оҥорбут прибордарын туһаныы» номинацияҕа Оливия Карбаканова (Саха национальнай гимназиятын 5-с кыл. үөрэнээччитэ, салайааччы Т.В. Михайлова); «Биоритмнар» номинацияҕа Адель Иванова (Нам гимназиятын 7-с кыл. үөрэнээччитэ, салайааччы Л.В. Бочкарева); «Магнитнай буурҕа киһи доруобуйатыгар дьайыыта» номинацияҕа Нина Бережнова (Бэстээх орто оскуолатын 7-с кыл. үөрэнээччитэ, салайааччы С.Р. Колтовская).

Иккис зонаҕа «Күннүгү систиэмэлээхтик толоруу» номинацияҕа Константин Гребенкин (Алын Кураанах гимназиятын 9-с кыл. үөрэнээччитэ, салайааччы К.С. Гребенкина); Айгылаан Андреев, Наиля Тимофеева (Горнай улууһун Кэптин орто оскуолатын 6-с кыл. үөрэнээччилэрэ, салайааччы Е.Н. Андреева); «Үүнээйинэн күнү-дьылы билгэлээһин» номинацияҕа Софья Гребенкина (Алын Кураанах гимназиятын 7-с кыл. үөрэнээччитэ, салайааччы К.С. Гребенкина); «Айылҕа көстүүтүнэн күнү-дьылы билгэлээһин» номинацияҕа Алима Саввинова (Сунтаар улууһун Күүкэй орто оскуолатын 7-с кыл. үөрэнээччитэ, салайааччы О.А. Федорова); «Биоритмнар» номинацияҕа Екатерина Гуленкова (Алын Кураанах гимназиятын 9-с кылааһын үөрэнээччитэ, салайааччы И.А. Карабан).

Үһүс зонаҕа: «Күннүгү систиэмэлээхтик толоруу» номинациянан Сандал Слепцов, Милена Полюхова (Орто Халыма улууһун Алаһыай орто оскуолатын 11-с, 10-с кыл. үөрэнээччилэрэ, салайааччы О.А. Потапова); Никалина Кириллина (Булуҥ улууһун Быков орто оскуолатын 7-с кыл. үөрэнээччитэ, салайааччы Т.Н. Кириллина).
Куонкурус түмүгүн иһитиннэрии кулун тутар 26 күнүгэр онлайн киэбинэн ыытылынна. Кыайыылаахтарга ХИФУ биолого-географическай факультетын араас сылларга бүтэрбит дьоннор, дьылдьыттар аймахтара, уопсастыбаннай тэрилтэлэр олохтообут бириистэрэ туттарылынна. Экология, айылҕаны туһаныы уонна ойуур хаһаайыстыбатын министиэристибэтэ улахан бөлөх кыайыылаахтарыгар «Күөх пионердар» лааҕырга путевка бэлэхтээтэ.
Үрдүк көрдөрүүнү кыра бөлөххө Майа орто оскуолата, Алын Кураанах гимназията, улахан бөлөххө Нам гимназията көрдөрдүлэр. Алын Кураанах гимназиятын 9-с кылааһын үөрэнээччитэ Константин Гребенкин сэттис, Быков орто оскуолатын 7-с кылааһын үөрэнээччитэ Никалина Кириллина бэһис төгүлүн бастаатылар!

Майа орто оскуолатын алын кылааһын учуутала, Саха Өрөспүүбүлүкэтин үөрэҕириитин туйгуна, Ил Дархан Гранын туһааннааҕа Елена Чичахова, Алын Кураанах гимназиятын алын кылааһын учуутала, Саха Өрөспүүбүлүкэтин үтүөлээх учуутала Виктория Паламарчук «Күннүгү» үөрэнээчилэригэр утумнаахтык толортороллор, куонкурус тэриллиэҕиттэн 26-лыы кыайыылааҕы, призеру бэлэмнээтилэр! Үрдүкү кылаастарга Нам гимназиятын географияҕа учуутала, Саха Өрөспүүбүлүкэтин үөрэҕириитин туйгуна Лена Бочкарева айымньылаахтык үлэлиир, куонкурус тэриллиэҕиттэн 15 үөрэнээччитэ кыайыылаах, призер буолла. Хаҥалас улууһун Бэстээх орто оскуолатын социальнай педагога Светлана Колтовская бэлэмнээбит үс оҕото быйыл бастаата.
-- «Күн-дьыл туругун кэтээн көрүү күннүгүн» толорууга өрөспүүбүлүкэ таһымнаах куонкурус быйыл ахсыс сылын ыытылынна. Атыттартан уратыта диэн, манна оҕолор сыл устата тулалыыр эйгэлэрин кэтээн көрөн күн аайы бэлиэтээн иһэллэр, ону биллэн турар, ылбычча оҕо тиһэҕэр диэри толороро уустук. 2025 сыл саҕаланыытыгар 1 400-тэн тахса оҕо күн-дьыл туругун бэлиэтэнэрин туһунан биллэрбитэ, дьэ, олортон сылы быһа сыраласпыт 300 оҕо үлэтин көрдөрө ыыппыта. Бу үлэ иитэр суолтата улахан, оҕолору чинчийэр үлэҕэ угуйар, тулалыыр эйгэҕэ интэриэһи үөскэтэр. Учууталларын, төрөппүттэрин кытары айылҕа араас көстүүлэрин, күн-дьыл туругун кэтээн көрөн, чахчылары хомуйар, ырытар, түмүктэри оҥорор үөрүйэхтэри иҥэринэллэр, толкуйдуур дьоҕурдара сайдар, болҕомтолоох, тэрээһиннээх буоларга үөрэнэллэр. Онон идэлэригэр бэриниилээх педагогтар үлэлэригэр «Күннүгү» туһаналларын иһин махтанабын, үлэлэригэр ситиһиилэри баҕарабыт, – диир Александр Герасимов.

Хаартыска: Герасимовтар.