Олохтоохтор өрөспүүбүлүкэ килбэйэр киин куорат сүрүн суолларын устун, Арассыыйа былааҕын тэлимнэтэн, биир колоннанан аастылар. Ол кэннэ Комсомольскай болуоссакка массыыналарынан, Бүтүн Россиятааҕы «Zа Мир! Zа Россию! Zа Президента! Zа Наших!» аахсыйа чэрчитинэн «ZА» диэн тылы ойуулан, хаартыскаҕа түһэрдилэр.
Автопробекка көхтөөх дьоннор, уопсастыбаннай тэрилтэлэр, урбаанньыттар, куорат национальнай-култуурунай холбоһуктарын бэрэстэбиитэллэрэ, Дьокуускай куорат уопсастыбаннай палаататын бэрэстэбиитэллэрэ, 14129 байыаннай чаас кытыннылар. Аахсыйаҕа барыта 33 араас массыына тардылынна.
Патриотическай аахсыйаны тэрийээччинэн Дьокуускайдааҕы дьаһалта буолла. Көҕүлээһини өрөспүүбүлүкэ олохтоохторо өйөөтүлэр.
Ону тэҥэ бүгүн, кулун тутар 18 күнүгэр, Кыайыы болуоссатыгар Севастополь куорат өйдөбүнньүк билиитэтигэр сибэкки дьөрбөтүн ууруохтара, Комсомольскай болуоссакка «Крымская весна» миитин-кэнсиэр ыытыллыаҕа.
Интэриэһинэй, тэттик, тэтимнээх сонуннары телеграм-ханаалга көрүҥ.
-
0
-
0
-
0
-
0
-
0
-
0
