«Кыайыы түннүктэрэ» аахсыйа – бу Аҕа дойду Улуу сэриитин кыттыылаахтарыгар уонна тыыл бэтэрээннэригэр махталбытын биллэрэр, өлбүттэр албан ааттарын кэриэстииргэ уонна сэбиэскэй норуот хорсун устуоруйатын эдэр көлүөнэҕэ тиэрдэргэ кыаҕы биэрэр тэрээһин. Аахсыйа ис дьиҥэ бэйэ дьиэтин, кыбартыыратын, тэрилтэтин эбэтэр оскуолатын түннүктэрин Кыайыы күнүн бэлиэлэринэн киэргэтэргэ сытар», – диэн эттэ СӨ Бырабыыталыстыбатын Бэрэссэдээтэлин солбуйааччы Ольга Балабкина.
Аахсыйаҕа ким баҕалаах кыттыан сөп. Түннүктэри георгиевскай лиэнтэлэринэн, кыһыл сулустарынан, бэтэрээннэр хаартыскаларынан, Аҕа дойду сэриитин тиэмэтигэр уруһуйдарынан, махтал тылларынан киэргэтэр тоҕоостоох.
Киэргэтиллибит түннүктэри хаартыскаҕа түһэрэн, тус эбэтэр тэрилтэлэр ВКонтакте соцситимнэригэр #ОкнаПобеды, #80победа, #Якутия, #СахаСирэ, #Победа, #Память, #ГосСтарт хэштегтэринэн бэлиэтээн баран таһаарыахха наада.
Тэрийээччилэр «Кыайыы түннүктэрэ» аахсыйаҕа көхтөөхтүк кыттан Арассыыйа саамай дьоһуннаах бырааһынньыгын киэргэтэргэ, сэбиэскэй норуот бойобуой уонна үлэҕэ дьоруойдуу быһыытыгар сүгүрүйэргэ, албан аатын кэриэстииргэ уонна үүнэр көлүөнэҕэ устуоруйа өйдөбүлүн тиэрдэргэ ыҥыраллар.
Иһитиннэрии уонна хаартыска: Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
-
0
-
0
-
0
-
0
-
0
-
0
