Новгородтан Игорь Тума кэллэ
Издательский дом Редакция Подписка
Погода в Якутске: . 19 oC

Бу күннэргэ Новгород уобалаһынааҕы «Медведь» байыаннай патриотическай уопсастыба» кэмиэрчэскэйэ суох аптаныамынай тэрилтэ дириэктэрэ Игорь Григорьевич Тума Саха Сиригэр кэлэ сылдьар.

Бу күннэргэ Новгород уобалаһынааҕы «Медведь» байыаннай патриотическай уопсастыба» кэмиэрчэскэйэ суох аптаныамынай тэрилтэ дириэктэрэ Игорь Григорьевич Тума Саха Сиригэр кэлэ сылдьар.


«Медведь» байыаннай патриотическай уопсастыба 2002 сыллаахтан үлэлиир. Бу кэм устатыгар 40 эспэдииссийэни тэрийэн, 1941-1945 сс. Аҕа дойдуну көмүскүүр Улуу сэриигэ олохторун толук уурбут 1000 буойун кырамтатын булан, братскай могилаҕа көмтө. 220 буойун аатын-суолун чуолкайдаан, сүүрбэттэн тахса буойун аймахтарын кытары сибээстэстэ. Эспэдииссийэлэргэ 500-тэн тахса эдэр киһи, устудьуоннар уонна оскуола үөрэнээччилэрэ кытыннылар.

Тума-_01.jpg
Игорь Тума Дьокуускайга бэс ыйын 20 күнүгэр «Арассыыйа – мин историям» историческай пааркаҕа ыытыллыбыт «Ийэ дойду туохтан саҕаланарый?» диэн бэтэрээннэр уонна ыччаттар пуорумнарыгар кыттыыны ылла. «Медведь» байыаннай патриотическай уопсастыба» кэмиэрчэскэйэ суох аптаныамынай тэрилтэ үлэтин-хамнаһын, сэрии буолан ааспыт сирдэригэр көрдүүр үлэни уонна пааматынньыктары сөргүтүүнү хайдах оҥороллорун туһунан кэпсээтэ.

Тума_--_1.jpg
Ильмень күөл кытылыгар саха буойуттарыгар анаммыт өйдөбүнньүктэр хайдах туруктаахтарын туһунан билиһиннэрдэ итиэннэ Саха Сирин этэрээттэрин Новгород уобалаһыгар ыытыллар көрдүүр үлэҕэ кыттарга ыҥырда. Ону таһынан, Амма улууһугар 1923 сыллаахха олунньу 13 күнүттэн кулун тутар 3 күнүгэр диэри буолбут Саһыл Сыһыытааҕы сэриигэ өлбүт Пепеляев генерал саллааттарын көмүүлэрин чинчийиэххэ сөбүн туһунан идиэйэ быһыытынан эттэ.

Тума_--_2.jpg
Култуурунай нэһилиэстибэ эбийиэктэрин харыстабылын өрөспүүбүлүкэтээҕи департаменын салайааччыны солбуйааччы Гаврил Терентьев ыалдьытыгар сэриигэ өлбүт буойуттары үйэтитиигэ, ол иһигэр «АЛСИБ» салгын тыраассатынан сөмөлүөттэри перегоннааһыҥҥа өлбүт лүөччүктэргэ анаммыт төһө өйдөбүнньүк баарын, олор хайдах туруктаахтарын туһунан билиһиннэрдэ.

Тума_--_5.jpg

Игорь Григорьевич бэҕэһээ, Өйдөбүл уонна кутурҕан күнүгэр, Ильмень күөлгэ өлбүт саха буойуттарыгар анаммыт монумеҥҥа тыыннаах сибэкки дьөрбөтүн уурда.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Лента новостей

Долган ырыаларыгар уһуйан

"Муусука -- барыбытыгар" диэн бырайыак үгүс элбэх үтүө дьону, саҥа ааттары таһаарда,…
03.07.22 16:29
Лента новостей

Сир аһын хаһан хомуйабыт?

Бэйэ туһатыгар (сииргэ, атыылыырга, бэлэхтииргэ, о.д.а.) сир аһын хомуйар бигэргэммит…
03.07.22 14:13