Дьокуускайга А.Е. Кулаковскай аатынан Норуоттар доҕордоhууларын Дьиэтигэр «Мин аадырыhым — Сэбиэскэй Сойуус» диэн ааттаммыт уопсастыбаннас үѳрүүлээх мунньаҕа уонна кэнсиэр буолуохтара. Киириитэ босхо.
Улуу дойду 100 сыллаах үбүлүѳйүн бэлиэтээhин түбэhиэх ыытыллыбат. Бу уопсастыба бары араңаларын түмэр уонна дойдубут историятыгар баар бастың холобурдарга тирэнэр кыаҕы биэрэр аналлаах.
Арассыыйа Президенэ Владимир Путин ахсынньы 22 күнүгэр ыччат бэлиитикэтин боппуруостарыгар Судаарыстыбаннай Сэбиэт мунньаҕын ыытыаҕа.
СѲ Судаарыстыбаннай Мунньаҕын (Ил Түмэн) Бэрэссэдээтэлин солбуйааччыта, «Российскай Федерация Коммунистическай баартыйата» ПБ фракциятын салайааччыта Виктор Губарев ССРС 100 сылынан эҕэрдэлээн туран, модун держава бастың холобурдарыгар дойдуга айыы-тутуу бырагыраамата наадатын бэлиэтээтэ. «Ыччакка босхо үѳрэнэр быраабы тѳннѳрүѳххэ наада. ССРСка аан дойдуга бастакынан үѳрэхтээhин уонна доруобуйа харыстабыла босхо буолбуттара. Аҕа дойду Улуу сэриитин кэнниттэн биэс эрэ сылынан урусхалламмыт хаhаайыстыба чѳлүгэр түhэриллибитэ. Биhиги бастакынан космос куйаарыгар тѳлѳ кѳтѳн тахсыбыппыт уонна аан дойдуга ракетнай-ядернай паритеты ситиспиппит. Биhиги улуу дойдуну туппут бары кѳлүѳнэ бэтэрээннэрбитигэр махтанабыт», — диэтэ кини.
-
0
-
0
-
0
-
0
-
0
-
0
