Церемонияҕа СѲ Судаарыстыбаннай Мунньаҕын (Ил Түмэн) Бэрэссэдээтэлин Солбуйааччыта Антонина Григорьева, ѳрѳспүүбүлүкэ норуодунай дьокутааттара Дмитрий Семенов, Алиш Мамедов уонна Мария Христофорова кытыннылар.
Саха Сирин историятын биир кэрэ-бэлиэ түгэнигэр мустубут дьону Дьокуускай куорат баhылыгын куорат таhынааҕы территориялары сайыннарыы, тыа хаhаайыстыбатын, эргиэни уонна урбааны сайыннарыы боппуруостарыгар солбуйааччы Владимир Аржаков, Хаңалас улууhун баhылыга Олег Иринеев, СѲ норуодунай дьокутаата Алиш Мамедов, СѲ суруналыыстарын сойууhун чилиэнэ Ермолай Скрябин эҕэрдэлээтилэр.
Саңа уулусса кыhыл лиэнтэтин парламент вице-спикерэ Антонина Григорьева, Дьокуускай куорат баhылыгын куорат таhынааҕы территориялары сайыннарыы, тыа хаhаайыстыбатын, эргиэни уонна урбааны сайыннарыы боппуруостарыгар солбуйааччы Владимир Аржаков, Хаңалас улууhун баhылыга Олег Иринеев, Г.В. Ксенофонтов аймахтара Рейнида Петрова уонна Наталья Котельникова быстылар.
Чуолкайдыыр буоллахха, бу Покровскай трагы Автодорожнай уокуругу кытта холбуур уулусса.
Ити курдук ѳрѳспүүбүлүкэ историческай, уопсастыбаннай уонна култуурунай олоҕор сүдү кылаатын киллэрбит киэн туттар киhибит Гавриил Васильевич Ксенофонтов үтүѳ аатын үйэтитиигэ ѳссѳ биир дьоhун хардыы оңоhулунна.
-
1
-
0
-
0
-
0
-
0
-
0
