Онтон иккитэ Сибэтиэй Николай төрөөбүт уонна өлбүт күннэрин, үһүс – кырамтата көһөрүллүбүт күнүн кытары ситимнээхтэр:
Ыам ыйын 22 күнүгэр Сааскы Ньукуолун бэлиэтэнэр, бу күн Николай Чудотворец кырамтата Миртан Бари куоракка көһөрүллүбүт; Атырдах ыйын 11 күнүгэр Күһүҥҥү Ньукуолун бэлиэтэнэр, бу күн кни төрөөбүт күнэ эбит.
Ахсынньы 19 күнэ – Кыһыҥҥы Ньукуолун, бу күн кини орто дойду олоҕуттан арахсыбыт.Итэҕэллээх дьоннор бу күн куһаҕан тылы саҥарбат, дьиэни-уоту өрө тардар, кыһалҕалаахха көмөлөһөр, оҕолорго минньигэс аһы бэлэхтиир, баанньыкка сылдьан ыраастанар, итиэннэ Ньукуолуҥҥа ким да кими да албынныа суохтааҕын быһыытынан — атыы дьаарбаҥкатын тэрийэр, араас дуогабардары түһэрсэр, ыал буолар дьоннор илии тутуһар, урууларын күнүн болдьоһор уо.д.а. эбиттэр. Сибэтиэй Николай уобараһа кэлин Тымныы оҕонньор уонна Санта Клаус уобарастарын кытары алтыспыт.
Сахалар бу үс күнтэн ордук сааскы уонна кыһыҥҥы Ньукуолун күннэрин бэлиэтиибит. Сааскы Ньукуолун ыам ыйын 22 күнүгэр, уһун тымныы кыһын ааһан, айылҕа уһуктар, сүөһү-сылгы этэҥҥэ кыстаан, төрөөн-ууһаан үүт-ас дэлэйбит, кус сиир, сайылыкка тахсыы кэмин кытары алтыһар. Өбүгэлэрбит бу күнү саха Саҥа сыла үүммүт күнүн быһыытынан бырааһынньыктыыр идэлээҕэ. Саха киһитэ: «Дьыл өссө биир хаарын ууллардым!» диэн, сааһыгар өссө биир сааһы эбинэр диэн Эһээ Дьыл (Гавриил Угаров) этэр.
Кыһыҥҥы Ньукуолун ахсынньы 19 күнүгэр, тымныы күүһүрэр, муҥутаан кылгыыр кэмигэр түбэһэр. Күнү-дьылы билгэлээччилэр күн тымныы буоллаҕына, сайын өҥ дьыл үүнүө дииллэр. Бу сарсыарда киин куоракка - 40 кыр. тымныы буолбут, онон сайыммыт куһаҕана суох буолуо диэн эрэнэн кэбиһиэҕиҥ, үтүөнү саныаҕыҥ.
-
0
-
0
-
0
-
0
-
0
-
0
