«Бүгүҥҥү күҥҥэ 85 ыалга олорор дьиэлэрин гаастааһыҥҥа матырыйаалынай көмө оҥоһулунна. 220 байыаннай сулууспалаахтар санаторнай- курортнай эмтэниигэ көмө ылбыттара. 220 ыал чилиэттэрэ байыаннай сулууспалаахтар эмтэнэр сирдэригэр бара-кэлэр ороскуоттарын толуйууга матырыйаалынай көмөнү ылбыттара», – диэн вице-премьер эттэ. Ону таһынан үлэ миэстэтин таһаарыыга салгыы үлэ бара турарын иһитиннэрдэ.
Ол курдук, нэһилиэнньэ дьарыктаах буолуутун кииннэригэр үлэнэн хааччыйыыга 267 киһи сайыбылынньа суруйбут: 90 киһи анал байыаннай дьайыы кыттыылаахтара уонна кинилэр дьиэ кэргэттэрин 177 чилиэттэрэ. Кинилэртэн 95 киһини профессиональнай үөрэхтээһиҥҥэ ыыппыттар, ол иһигэр 39 киһи анал байыаннай дьайыы кыттааччылара, 154 киһиэхэ үлэ булан бэриллибит, ол иһигэр 40 киһи анал байыаннай дьайыы кыттааччыларыгар.
Итини таһынан бу этиллибит өйөбүллэр СӨ Ил Дархана Айсен Николаев Ыйааҕынан оҥоһуллалларын санаталлар. Эбии дойду Бэрэсидьиэнэ Владимир Путин судаарыстыбыннай былаас бары таһымыгар маннык үрдүк суолталаах сорук турарын хаста да ыйбыта бэлиэтэнэр.
«Дойдубут сулууспалаачылары өйүүр сыаллааҕын уонна кинилэр сүдү суолталаах миссияны толоро сылдьалларын өйдүөхтээх», — диэн судаарыстыба баһылыгын этиитэ суруллар.
Хаартыска: Волгодонскай дьаһалтатын пресс-сулууспата
-
0
-
0
-
0
-
0
-
0
-
0
