Көрсүһүү ахсынньы 12 күнүгэр бэлиэтэнэр Арассыыйа Федерациятын Конституциятын күнүн чэрчитинэн ыытыллан, Афанасий Владимиров оҕолорго Конституция, судаарыстыбаннай былаас тустарынан кэпсээтэ, сокуоннар хайдах оҥоһуллалларын уонна ылыллалларын билиһиннэрдэ. Сокуону ырытан оҥоруу судургу дьыала буолбатаҕын, докумуон барылын оҥорууттан саҕалаан бигэргэнэн, олоххо киллэриллиэр диэри элбэх түһүмэхтээх үлэ ыытылларын быһаарда.
Санаа атастаһыытын кэмигэр биирдэм урбаанньыттар бырааптарын боппуруоһа көтөҕүлүннэ. Норуот дьокутаата урбаанньыттар бырааптара Конституциянан мэктиэлэнэрин, судаарыстыба көмөтө кинилэргэ субсидия быһыытынан көрүллэрин эттэ. Урбаанньыттар норуот дьокутааттарыгар сүрүннээн ханнык боппуруостары туруорсалларын туһунан кэпсээтэ.
Оҕолор ыйыталлара элбэх буолла. Ил Түмэҥҥэ пленарнай мунньахтар, Бырабыыталыстыба чаастара хайдах быһыылаахтык ыытыллалларын интэриэһиргээтилэр. Оонньоон, норуот дьокутааттара буолан, биир сытыы боппуруоска Бырабыыталыстыба чааһын ыытан көрдүлэр.
Көрсүһүү түмүгүнэн, оҕолорго Ил Түмэн бэлиэлээх өйдөбүнньүк блокноттар, ручкалар туттарылыннылар. Парламент дьиэтигэр экскурсия тэрилиннэ. Бу туһунан Ил Түмэн пресс-сулууспата иһитиннэрэр.
Хаартыскаҕа Василий Кононов (Ил Түмэн) түһэриитэ.
-
0
-
0
-
0
-
0
-
0
-
0
