Оттон култуура тэрилтэлэригэр быйыл – История өйдөбүнньүгүн сыла. Онон Дьокуускайга аһыллыахтаах икки пааматынньыктан биирдэстэрэ – сахаттан бастакы Сэбиэскэй Сойуус Дьоруойа Федор Кузьмич Поповка туруоруллубут Мэҥэ өйдөбүнньүк итиэннэ искибиэр буолар.
Сэбиэскэй Сойуус Дьоруойа Федор Поповка анаммыт Мэҥэ өйдөбүнньүгү арыйыы сиэрэ-туома сарсын тэриллиэҕэ. Ону көрсө бүгүн, ыам ыйын 7 күнүгэр, күнүс 13 чааска искибиэргэ туруоруллубут боруонсаттан кутуллубут Мэҥэ өйдөбүнньүккэ Дьоруой биир дойдулаахтара, Мэҥэ Хаҥалас улууһун Баатара нэһилиэгин бэрэстэбиитэллэрэ уонна аймахтара түмүстүлэр.
Федор Кузьмич төрөөбүт дойдутуттан буор аҕалан, өйдөбүнньүк турар сиригэр, искибиэргэ куттулар. Ол сиэрин-туомун Лэгэн-Лэгэнтэй толордо, искибиэри Дьоруой дойдутун, өбүгэтин буорун кытары ситимнээтэ.
Тэрээһиҥҥэ 50-ча киһи кэлэн кытынна. Мэҥэ Хаҥаластан, Баатараттан төрүттээх өрөспүбүлүкэ биллэр-көстөр дьоно – Матвей Мучин, Евдокия Борисова, Мария Емельянова, Николай Попов тыл эттилэр.
Хаартыскалары Мария Емельянова тиксэрдэ
-
5
-
1
-
0
-
0
-
0
-
0
