Халаан уутуттан эмсэҕэлээбит нэһилиэнньэлэргэ көмөлөһөр үлэ салҕанар. СӨ экологияҕа министиэристибэтин уу сыһыаннаһыыларыгар уонна балыктааһыны сүрүннээһиҥҥэ департаменын салайааччыта Анисия Игнатьева иһитиннэрбитинэн, от ыйын 19 күнүттэн Судаарыстыбаннай өҥөлөр кэлим порталларыгар ыксаллаах быһыы-майгы түмүгэр бастакы уочарат наадалаах баайын сүтэрбит кыраасданнартан биир кэмнээх материальнай көмөнү уонна үбүнэн көмөнү оҥорууга сайабылыанньаларын ылыы саҕаламмыта.
Халаан уутуттан эмсэҕэлээбит нэһилиэнньэлэргэ көмөлөһөр үлэ салҕанар. СӨ экологияҕа министиэристибэтин уу сыһыаннаһыыларыгар уонна балыктааһыны сүрүннээһиҥҥэ департаменын салайааччыта Анисия Игнатьева иһитиннэрбитинэн, от ыйын 19 күнүттэн Судаарыстыбаннай өҥөлөр кэлим порталларыгар ыксаллаах быһыы-майгы түмүгэр бастакы уочарат наадалаах баайын сүтэрбит кыраасданнартан биир кэмнээх материальнай көмөнү уонна үбүнэн көмөнү оҥорууга сайабылыанньаларын ылыы саҕаламмыта.
От ыйын 23 күнүнээҕи туругунан, эмсэҕэлээбит дьонтон 743 сайабылыанньа киирдэ, итинтэн 545 - биир кэмнээх материальнай көмөҕө уонна 198 - үп көмөтүгэр. Сайабылыанньалар көрүллэллэр. Олохтоох бэйэни салайыныы уорганнарын хамыыһыйалара эмсэҕэлээбит дьон олорор дьиэлэрин чинчийэр үлэни ыыталлар, ЫБМ түмүгэр кыраасданнар олохторо-дьаһахтара кэһиллибит уонна бастакы уочарат наадалаах баайдарын сүтэрбит чахчылары туоһулуур түмүктэри оҥороллор.
Итини сэргэ Анисия Игнатьева Хонуу сэлиэнньэтин туһаайыытынан Индигиир өрүскэ уу таһыма от ыйын 22 күнүгэр 542 см буолбутун бэлиэтээтэ, 12 чаас иһигэр уу 75 см. эмискэ үрдээбитин иһитиннэрдэ. Бүгүн, от ыйын 23 күнүгэр, уу таһыма салгыы 560-590 см тиийэрэ күүтүллэр, уу кутталлаах таһымҥа, о.э. 600 см чугаһыыр.
Иһитиннэрии уонна хаартыска: СӨ Ил Дарханын пресс-сулууспата
0
0
0
0
0
0
