Бу туһунан Российскай Федерация гражданскай оборуона дьыалаларыгар, ыксаллаах быһыыга-майгыга уонна айылҕа алдьархайын туоратыыга миниистирэ Евгений Зиничев биллэрдэ. Билигин миниистир СӨ Ил Дархан Айсен Николаевы кытта Нам оройуонугар үлэлиир. Бу иннинэ өрөспүүбүлүкэтээҕи ыксаллаах-быһыы майгы эрэһиимин киллэрэр туһунан СӨ Ил Дархана биллэрбитэ. Эрэгийиэннэр икки ардыларынааҕы ыксаллаах быһыы-майгы эрэһиимэ федеральнай салалта боломуочуйата. Бу эрэһиим Саха сиригэр атын эрэгийиэннэртэн эбии күүс-көмө, үп-харчы кэлэрин судургутутуохтаах. Баһаар кэннэ ойууру чөлүгэр түһэрии үлэтигэр федеральнай бүддьүөттэн эбии үп көрүллүөҕэ.
Санатар буоллахха, Айылҕа харыстабылын министиэристибэтин дааннайынан, дойду үрдүнэн ойуур баһаардарын балаһыанньата тыҥааһыннаах, 2020 сыллааҕы көрдөрүүнү куоһарда. Арассыыйаҕа барыта 7,4 мөл. гектарга уот турбут. Уоту хабан ылбыт территорияларын 90-тан тахса бырыаһыана Уһук Илиҥҥи эрэгийиэҥҥэ тиксэр, оттон Саха сиригэр 78 %- на диэн «Коммерсант» суруйар.
-
0
-
0
-
0
-
0
-
0
-
0
